Marcos 12:34 - Chayahuita (Shahui)

³⁴ —Noꞌtëquën iyasha yonquiran niꞌton, piꞌpian pahuantarinquën Yosë huaꞌanëntërinquë yaꞌconacasoꞌ, itërin Quisosori. Ina quëran yaꞌipi piyapiꞌsaꞌ tapanatonaꞌ, co huachi nohuantopihuëꞌ nataantacaisoꞌ.

Marcos 12:34 ပူးပေါင်းရင်းမြစ်များ

Mateo 12:15

Ina nitotaton, Quisoso aꞌna parti paꞌnin. Naꞌa piyapiꞌsari imasarin. Caniaꞌpiroꞌsaꞌ huëꞌpachinara, yaꞌipiya anoyatërin.

Mateo 12:20

Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Mateo 22:46

Natanaponaraihuëꞌ, co mantaꞌ aꞌpanitopihuëꞌ. “Yosë huiꞌnin chachin niꞌton, Tapiri Cristo chinotërin,” taꞌcaiso nipirinhuëꞌ, co yanatëpihuëꞌ. Napoaton naporo quëran huarëꞌ tapanatonaꞌ, co huachi nohuantopihuëꞌ Quisoso natanacaisoꞌ.

Lucas 20:40

Ina quëran tëꞌhuatatonaꞌ, co huachi nohuantopihuëꞌ nataantacaisoꞌ.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

Gálatas 2:19

Iráca cantaꞌ pënëntërinsoꞌ imapirahuëꞌ, co nanitërahuëꞌ noꞌtëquën natëcaꞌhuasoꞌ. Co ina imato noya cancantërahuëꞌ. Oshahuanato, chimipi pochin cancantërahuë. Napoaton iráca pënëntërinsoꞌ naniantërahuë Yosëíchin yonquicaꞌhuaso marëꞌ.

Colosenses 4:6

Noya yonquiatomaꞌ, sanoanan quëran pënëntocoꞌ noya natainënquëmaꞌ. Yashin yashin nontocoꞌ. Aꞌnaya aꞌnaya natanpachinquëmaꞌ, noyasha aꞌpanicoꞌ. Ina pochin nontacaso marëꞌ naꞌcon yonquicoꞌ.