Marcos 12:27 - Chayahuita (Shahui)

²⁷ Nanpirëhuasopitaráchin Yosë chinotarëhuaꞌ. Napoaton Apraan, Isaco, Cacopo, inapita nani chiminpirinahuëꞌ, nanpiantarapi. Canpitasoꞌ co noꞌtëquën yonquiramahuëꞌ, itërin Quisosori.

Marcos 12:27 ပူးပေါင်းရင်းမြစ်များ

Mateo 22:29

—Canpitasoꞌ co noꞌtëquën yonquiramahuëꞌ. Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ co nitotëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosësoꞌ yaꞌipiya nanitaparin.

Mateo 22:32

“Casoꞌ Yosëco. Apraan chinotarinco. Isaco, Cacopo, inapitantaꞌ chinotarinaco,” itërin. Cara chachin iráca chiminpirinahuëꞌ, naporin. Nanpipisopitaráchin Yosë chinotapi. Napoaton inapitantaꞌ chiminpirinahuëꞌ, Yosë marëso nanpirápi, itërin Quisosori.

Marcos 12:24

—¡Canpitasoꞌ co noꞌtëquën yonquiramahuëꞌ! Yosësoꞌ chini chiníquën nanantopirinhuëꞌ, co nohuitëramahuëꞌ. Quiricanëontaꞌ nontapomarahuëꞌ, co cancanëma quëran natëramahuëꞌ. Napoaton co nanitëramahuëꞌ noꞌtëquën yonquicamasoꞌ. Yosë yaꞌipi nanitaparin.

Lucas 20:38

Nanpirëhuasopitaráchin Yosë chinotarëhuaꞌ. Napoaton inapitantaꞌ nani chiminpirinahuëꞌ, nanpimiataantapi, itërin Quisosori.

Romanos 14:9

Yaꞌipinpoaꞌ huaꞌanëntinpoaso marëꞌ Quisocristo chiminin. Nani chimirin minsërahuaton, chini chiníquën nanantaton, nanpiantarin. Napoaton nanpirëhuasopita, chiminpisopitantaꞌ, yaꞌipinpoaꞌ huaꞌanëntarinpoaꞌ.

Romanos 4:17

Iráca Yosëri Apraan itërin: “Ca nohuanto, notohuaroꞌ shiparinpita yaꞌhuëtarinquën. Naꞌa nisha nisha piyapiꞌsantaꞌ quëma pochachin cancantapi,” tënin Yosë. Quiricanënquë naporin. “Yosë noꞌtëquën nontërinco. Yaꞌipiya nanitaparin. Chiminpisopitantaꞌ nanitërin ananpitacasoꞌ. Co maꞌsha yaꞌhuëpirinhuëꞌ, nani yaꞌhuërinso pochin shaꞌhuichanin,” taꞌton, Apraan natëtërin.

Hebreos 3:10

Napoaton inapita noꞌhuito, napotërahuë: Isopita co onporontaꞌ natërinacohuëꞌ. Co yanohuitërinacohuëꞌ. Co iranëhuë paꞌtopihuëꞌ niꞌton,