Marcos 12:14 - Chayahuita (Shahui)

¹⁴ Canconahuatonaꞌ, noyásha nontonpi nonpintacaiso marëꞌ. —Noꞌtëquën Maistro nontërancoi. Co piyapiꞌsaꞌ paꞌyatiinënquënso marëꞌ aꞌchinanhuëꞌ. Co huaꞌan tërantaꞌ tëꞌhuatëranhuëꞌ. Yosë nohuantërinsoꞌ noꞌtëquën aꞌchintërancoi. Napoaton yanatanainquën. Noma copirno nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Coriqui maꞌpainpoaso marëꞌ comisionën aꞌparin. Huëꞌpachin, ¿noya ipora quëtacasoꞌ ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Marcos 12:14 ပူးပေါင်းရင်းမြစ်များ

Nehemías 9:37

Naꞌcon nitërinso mapiraihuëꞌ, nisha copirnoroꞌsa matërachinincoi. Oshanëhuëi marëꞌ anaꞌintatoncoi, ina copirnoroꞌsaquë yoꞌnancoi. Pëꞌtahuanëhuëipita quëran huarëꞌ, nohuantopisoꞌ nitopi. Inapoatoi paꞌpi parisitarai,” itërin.

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Mateo 22:16

Napoaton aꞌnaquën aꞌpapi Quisoso natanacaiso marëꞌ. Irotisë paꞌyatopisopitantaꞌ caraya paꞌpi. Canconahuatonaꞌ, noyásha nontonpi nonpintacaiso marëꞌ. —Quëmasoꞌ Maistro, noyanquën. Co onporontaꞌ nonpinanhuëꞌ. Yosë pënëninpoasoꞌ noꞌtëquën aꞌchintërancoi. Piyapiꞌsaꞌ noꞌhuipirinënquëontaꞌ, co ina yonquiranhuëꞌ. Co huaꞌan tërantaꞌ tëꞌhuatëranhuëꞌ.

Mateo 22:17

Napoaton yanatanainquën. Noma copirnosoꞌ nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Nani piꞌipi coriqui maꞌpainpoaso marëꞌ comisionënpita aꞌparin. Huëꞌpachina, ¿noya ipora quëtacasoꞌ, ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Marcos 12:13

Ina quëran huaꞌanoꞌsari yonquipi Quisoso nonpintacaiso marëꞌ. Napoaton aꞌnaquën parisioroꞌsaꞌ aꞌpapi. Caraíchin Irotisë imarinsopitantaꞌ aꞌpapi. Yapaꞌpachinara, itaponaꞌ: “Paatomaꞌ, nisha nisha natancoꞌ. Co noꞌtëquën aꞌpanihuachinquëmahuëꞌ, shaꞌhuirapiahuaꞌ,” itatonaꞌ, aꞌpapi.

Marcos 12:15

Yanonpintopisoꞌ nitotaton, Quisosori itërin: —¡Canpitasoꞌ nonpintënquëmaꞌ! ¿Maꞌmarëtaꞌ yaatëhuëramaco? Noma coriqui quëshico niꞌi, itërin.

Marcos 14:45

Canquirahuaton, Quisoso yaꞌyoranquirin. Ina quëran: —Tashita Maistro itahuaton, apinoirin.

Lucas 20:22

Napoaton yanatanainquën. Noma copirnosoꞌ nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Coriqui maꞌpainpoaso marëꞌ comisionën aꞌparin. Huëꞌpachinaꞌ, ¿noya ipora quëtacasoꞌ ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Juan 7:18

Aꞌnaquënsoꞌ inahuara yonquinëna quëran aꞌchinpi. Piyapiꞌsari paꞌyatacaiso marëꞌ napopi. Casoꞌ nipirinhuëꞌ Yosëíchin yonquiato, noꞌtëquën aꞌchinahuë. Inaíchin paꞌyatacaisoꞌ yaꞌhuërin, tënahuë. Co nonpintëranquëmahuëꞌ.

Romanos 13:6

Ina nohuanton, huaꞌanoꞌsaꞌ yaꞌhuërin noya nicacaiso marëꞌ. Ina marëꞌ nani tahuëri sacatapi. Napoaton pahuërëtacasoꞌ camaitërinsoꞌ pahuërëtaramaꞌ.

2 Corintios 2:17

Aꞌnaquën nonpinatonaꞌ, inahuara canacaiso marëꞌ aꞌchinapi. “Yosë nanamën aꞌchintërainquëmaꞌ,” topirinahuëꞌ, co noꞌtëquën aꞌchinpihuëꞌ. Quiyaso nipirinhuëꞌ noꞌtëquën shaꞌhuitërainquëmaꞌ. Yosë aꞌparincoi niꞌton, ina nanansáchin aꞌchinarai. Yosë niꞌsárincoi niꞌton, Quisocristoíchin natëarai.

2 Corintios 2:2

Chiníquën pënënpatënquëmaꞌ, sëtaramaꞌ. Co nohuantërahuëꞌ asëtaꞌhuanquëmasoꞌ. Canpita sëtohuatamaꞌ, co huachi nanitaramahuëꞌ acapacancanamacosoꞌ, tënahuë yonquiato.

2 Corintios 4:1

Yosë nosoroatoncoi, acorincoi ina nanamën aꞌchinaꞌhuaiso marëꞌ. Ina yonquiatoi, co yaaꞌporaihuëꞌ.

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.

2 Corintios 5:16

Iráca quiyaora yonquinëhuëi quëran yonquiatoi, aipi yaꞌnorinsoráchin yonquirai. Quisocristontaꞌ iráca co noꞌtëquën yonquirapiraihuëꞌ. “Co inasoꞌ Yosë huiꞌninhuëꞌ,” topiraihuëꞌ, iporasoꞌ noꞌtëquën yonquirai.

Gálatas 1:10

Co piyapiꞌsaꞌ noya nicainacoso marëꞌ aꞌchinahuëꞌ. Yosë noya nicaincoso marëꞌ aꞌchinahuë. Piyapiꞌsaꞌ paꞌyatinacoso marëꞌ naꞌcon naꞌcon yonquirahuë naporini, co Quisocristo natëitohuëꞌ.

Gálatas 2:6

Ansiano huaꞌanoꞌsasoꞌ nipirinhuëꞌ, co nisha shaꞌhuitërinacohuëꞌ. Chiníquën nanantopirinahuëꞌ, co tëꞌhuatërahuëꞌ. Napopináchin Yosë niꞌninpoaꞌ.

1 Tesalonicenses 2:4

Yosë chachin acorincoi nanamën aꞌchinaꞌhuaiso marëꞌ. “Noꞌtëquën aꞌchinaponaꞌ,” taꞌton, aꞌparincoi. Napoaton co piyapiꞌsaꞌ noya nicainacoiso marëꞌ aꞌchinaihuëꞌ. Yosë noya nicaincoiso marëꞌ aꞌchinárai. Yaꞌipi yonquirëhuasopita nitotërin. Maꞌmarësona sacatërëhuasontaꞌ nitotërin.