Marcos 12:1 - Chayahuita (Shahui)

¹ Ina quëran Quisosori pënënto nanan shaꞌhuitaantarin: “Aꞌna quëmapi pancana iminaton, oparotërin. Nani pairapirahuaton, naꞌpi quëran nanpi ninin opa toꞌpoitonaꞌ, huino nicacaiso marëꞌ. Naporahuaton, naꞌpi quëran chachin tori ninin. Inaquë piyapinën yaꞌhuaton, nocorarin ama ihuacaiso marëhuëꞌ. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ nitërinsoꞌ patomachin canpitaora marëꞌ macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin.

Marcos 12:1 ပူးပေါင်းရင်းမြစ်များ

Isaías 7:23

Ina tahuëriꞌsa nanihuachin, iminoꞌsa pantatápon. Aꞌnaquën oparo huaranca yaꞌhuë yaꞌhuëtërinsoꞌ, huarancatë coriqui paꞌtopirinhuëꞌ, pantataton, shihuarino niantapon.

Jeremías 2:21

Noya noya opa shaꞌnëso pochin canpitaso acoranquëmaꞌ. Huayonatë shaꞌnëso pochin nitëranquëmaꞌ. Inapotopiranquëmahuëꞌ, canpitaso coꞌchachin nishatëramaꞌ. Napoatoma co huachi onpo nohuitochináchinhuëꞌ ninamaꞌ.

Mateo 13:3

Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Mateo 21:28

Ina quëran itaantarin: —Apira iyaroꞌsaꞌ aꞌchintaantaꞌinquëmaꞌ yonquicoꞌ. Aꞌna quëmapi yaꞌhuërin opa shaꞌnaꞌpi. Inasoꞌ, Catoꞌ huiꞌnin yaꞌhuëtërin. Aꞌnasoꞌ shaꞌhuitërin: “Ipora tahuëri, conpa, iminquë sacatonquëꞌ,” itopirinhuëꞌ,

Mateo 21:33

Ina quëran itaantarin: “Aꞌnantaꞌ pënënto nanan, aꞌchinchinquëmaꞌ, natancoꞌ. Aꞌna quëmapi pancana imianatërin. Inaquë oparachin shaꞌnin. Nani pairapirahuaton, naꞌpi quëran nanpi ninin opa toꞌpoitonaꞌ huino nicacaiso marëꞌ. Naporahuaton, tori ninin. Inaquë piyapinën yaꞌhuaton nocorarin ama ihuacaiso marëhuëꞌ. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ patoma nitërinsoꞌ canpitaoranquën marëꞌ macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin huachi.

Mateo 21:34

Ina quëran nani nitohuachina, aquë yaꞌhuërin quëran piyapinënpita aꞌparin patoma nitërinsoꞌ maꞌpacaiso marëꞌ.

Mateo 25:14

Ina quëran itaantarin: “Isontaꞌ iyaroꞌsaꞌ aꞌchinchinquëmaꞌ Yosë huaꞌanëntërinsoꞌ nitotamaso marëꞌ. Aꞌna quëmapi aquë yapaꞌsarinso pochin ninin. Yapaꞌpachina, inpriatonënpita amatërin camaicaso marëꞌ. Huëꞌpachinara, itapon: ‘Aquë paꞌpato, oshaquëran huënantarahuë. Inatohuaꞌ yaꞌhuasoco, noya sacatocoꞌ. Apira coriqui quëchinquëmaꞌ ina quëran naꞌcon naꞌcon canacaꞌhuaso marëꞌ. Maꞌsha paꞌanatomaꞌ, oshaquëran anaꞌatocoꞌ,’ itërin.

Marcos 11:33

Nani ninontohuachinara, Quisoso itaponaꞌ: —Ahuën. Co quiyasoꞌ nitotëraihuëꞌ. ¿Incarisoꞌ Coansha nanan quëtomara? Co nitotëraihuëꞌ taꞌa, toconpi. —Noyapaꞌ. Napoahuarëꞌ, co carinquëmantaꞌ insosona nanan quëtërincosoꞌ shaꞌhuitaranquëmahuëꞌ, itërin Quisosori.

Marcos 13:34

Aꞌna quëmapi aquë yapaꞌninso pochin nisarin. Yapaꞌpachina, inpriatonënpita camairin. Aꞌnaya aꞌnaya shaꞌhuitërin maꞌsona nicacaiso marëꞌ. Yaꞌcoana toꞌshitonaꞌpintaꞌ shaꞌhuitaton: ‘Pëiꞌ noya niꞌquëꞌ,’ itërin.

Marcos 3:23

Quisososo nipirinhuëꞌ piyapiꞌsaꞌ përasahuaton, pënënto nanan shaꞌhuitërin ayonquicaso marëꞌ. “Sopairoꞌsa capini co onporonta niaꞌpacaiso yaꞌhuërinhuëꞌ.

Marcos 4:2

Nisha nisha pënënto nanan aꞌchintarin. Ma pochinsona Yosë nanamën nininsoꞌ ayonquicaso marëꞌ aꞌchintarin.

Lucas 15:13

Cara tahuëri quëran pochin huaꞌhua nininsoꞌ yapipirin. Yaꞌipi maꞌshanënpita paꞌanahuaton, coriqui canarinsoꞌ masahuaton, aquë paꞌnin. Inaquë noꞌpirárin, nansarárin, monshihuanárin. Naꞌa coriqui quëparinsoꞌ iꞌquirin.

Lucas 19:12

“Aꞌna quëmapi aquë paꞌsarin huaꞌan yaꞌconacaso marëꞌ. Yapaꞌpachina, piyapinënpita nontërin: ‘Inatohuaꞌ paꞌpato, copirno chiníquën nanan quëtarinco naroꞌpaꞌ huaꞌanëntaꞌhuaso marëꞌ. Oshaquëran chiníquën nanan quëtohuachinco, huënantarahuë,’ tosahuaton,

Lucas 22:9

—¿Intohuataꞌ paatoi tapaii? itopi.

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.