Marcos 11:33 - Chayahuita (Shahui)

³³ Nani ninontohuachinara, Quisoso itaponaꞌ: —Ahuën. Co quiyasoꞌ nitotëraihuëꞌ. ¿Incarisoꞌ Coansha nanan quëtomara? Co nitotëraihuëꞌ taꞌa, toconpi. —Noyapaꞌ. Napoahuarëꞌ, co carinquëmantaꞌ insosona nanan quëtërincosoꞌ shaꞌhuitaranquëmahuëꞌ, itërin Quisosori.

Marcos 11:33 ပူးပေါင်းရင်းမြစ်များ

Copo naporinso' 5:13

Yonquinahuanoꞌsasoꞌ, yamonatopi. Napopirinahuëꞌ, Yosëso yonqui yonquínahuan niꞌton, minsëaton atapanarin. Piyapiꞌsa maꞌsha onpotacaisoꞌ yonquipirinahuëꞌ, Yosëri yonquipiso tapiarin.

Isaías 1:3

Torosoꞌ, huaꞌanën nohuitërin. Morantaꞌ, huaꞌanëni pëi acotërinsoꞌ, nohuitërin. Israiroꞌsaso piyapinëhuëpita nipirinahuëꞌ, co nohuitërinacohuëꞌ. Co nohuitatonacohuëꞌ, co manta yonquipisohuë pochin niconpi.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Mateo 16:4

Ipora yaꞌhuëramasopita co noyahuëꞌ cancantëramaꞌ. Nitëhuananpitopisopita pochin cancantatomaꞌ, co piꞌpisha tërantaꞌ Yosë yanatëramahuëꞌ. ‘Sacaiꞌ nicacaso nininsoꞌ niquëꞌ natëiinquën,’ itopiramacohuëꞌ, co Yosë nohuantërinhuëꞌ ina pochin nicaꞌhuasoꞌ. Isoíchin anitotarinquëmaꞌ. Aꞌna tahuëri canpita nitotacamaso marëꞌ, Conasë pochin nisarahuë” itërin. Ina quëran patërin huachi.

Mateo 21:27

Nani ninontohuachinara, Quisoso itaponaꞌ: —Ahuën. Co quiyasoꞌ nitotëraihuëꞌ. ¿Incarisoꞌ Coansha nanan quëtomara? Co nitotëraihuëꞌ, toconpi. —Iꞌyan, napoahuarëꞌ co carinquëmantaꞌ insosona nanan quëtërincosoꞌ shaꞌhuitaranquëmahuëꞌ, itërin Quisosori.

Marcos 11:32

Nipirinhuëꞌ, ‘Co Yosëri nanan quëtërinhuëꞌ. Piyapiri quëtërin,’ itohuatëhuaꞌ, naꞌa piyapiꞌsaꞌ noꞌhuiarinënpoaꞌ. ‘Yosëri Coansha aꞌparin pënëntacasoꞌ,’ topi yaꞌipi piyapi,” nitopi.

Marcos 12:1

Ina quëran Quisosori pënënto nanan shaꞌhuitaantarin: “Aꞌna quëmapi pancana iminaton, oparotërin. Nani pairapirahuaton, naꞌpi quëran nanpi ninin opa toꞌpoitonaꞌ, huino nicacaiso marëꞌ. Naporahuaton, naꞌpi quëran chachin tori ninin. Inaquë piyapinën yaꞌhuaton, nocorarin ama ihuacaiso marëhuëꞌ. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ nitërinsoꞌ patomachin canpitaora marëꞌ macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin.

Juan 3:10

—Quëmasoꞌ Israiro maistronquën niponahuëꞌ, ¿co nitotëranhuëꞌ ti?

Juan 9:27

—Nani shaꞌhuitopiranquëmahuëꞌ, co yanatëramacohuëꞌ. ¿Onpoatomataꞌ naquëranchin yanatantaramaco? ¿Canpitantaꞌ Quisoso yaimaramaꞌ ti? itërin.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

2 Corintios 3:15

Ipora huantaꞌ Moisësë ninshitërinsoꞌ nontopirinahuëꞌ, co noꞌtëquën yonquipihuëꞌ.