Marcos 11:20 - Chayahuita (Shahui)

²⁰ Tahuëririnquë tashiramiachin huënantarahuatonaꞌ, iquira nara niꞌquiantapirinahuëꞌ, nani ahuirin. Itën quëran huarëꞌ ahuirin.

Marcos 11:20 ပူးပေါင်းရင်းမြစ်များ

Isaías 40:24

Ina marësoꞌ huaꞌanoꞌsantaꞌ, sharoꞌsa nasha pichopitopiso pochin niconpi. Ipora huarëꞌ itëaꞌhuain pipiarinso pochin, co manta chinipihuëꞌ. Siniorori pihuitë pochin nitohuachina, chiminatona ahuiánahuanapi. Panca ihuan paꞌpachina, trico shaꞌhuëtë quiquirinso pochin nitërin.

Isaías 5:4

¡Noya nitacaso marëꞌ nanirinso chachin nani acotërahuë! Noꞌtëquën chachin caso cashi cashin opa nitacaisoꞌ ninarahuë. Inapotopirahuëꞌ, áin opasáchin nitërin.

Mateo 13:6

Piꞌiri chiníquën piꞌcahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Mateo 15:13

—Ama ina marëꞌ paꞌyancosohuëꞌ. Oshaquëran Yosëri anaꞌintarin. Niꞌcoꞌ. Maꞌsha shaꞌpatëra, co pacatëroꞌ paꞌararëhuëꞌ. Ocoirahuatëꞌ tëꞌyatërëꞌ. Inapochachin co nanamën imapisopitahuëꞌ Yosëri aꞌpoarin. Inapitasoꞌ somaraya pochin cancantopi. Somarayasoꞌ co nanitërinhuëꞌ aꞌna somaraya noya quëpacasoꞌ. Quëparin naporini, cato chachin panca naninquë anochitonahuëꞌ, itërin Quisosori.

Mateo 21:18

Tashiramiachin ninanoquë paantapon pochin, Quisoso tanarin.

Marcos 11:12

Tahuëririnquë Pitania quëran huënantarahuaton, Quisoso tanarin.

Marcos 11:14

—Ama huachi iso nara nichinsohuëꞌ. Co huachi insoari tërantaꞌ nitërinsoꞌ caponhuëꞌ, tënin Quisoso. Caꞌtanoꞌsanënpitarintaꞌ natanapi.

Juan 15:6

Nara sëꞌpaꞌ nohuishatohuachina, ahuirin. Masahuatonaꞌ, pënquë tëꞌyatopi ahuiquitacaiso marëꞌ. Inapochachin co imamiatohuatamacohuëꞌ, Yosë anaꞌintarinquëmaꞌ.

Hebreos 6:8

Nipirinhuëꞌ, nahuan, shihuarin, inapitasáchin papotohuachina, co mantaꞌ nitërinhuëꞌ. “Noꞌpaꞌ napoonin,” topatëra, tananpitërë huachi. Inapochachin Yosë naꞌcon catahuarinpoaꞌ. Noya imapatëhuaꞌ, Yosë noya niꞌsarinpoaꞌ. Aꞌnaquënso nipirinhuëꞌ nahuan, shihuarin, inapita papotërinso pochin nicatonaꞌ, topinan quëran yaꞌhuëpi. Co Yosë yonquipihuëꞌ. Inapitasoꞌ Yosëri tananpitërin. Aꞌna tahuëri parisitopiquë aꞌparahuaton, pën quëran anaꞌintarin.

Judas 1:12

Quisoso imaramasopita coshatacaso marëꞌ niyontonpatamara, nisha aꞌchinaꞌpiroꞌsantaꞌ huëꞌpi. Naporoꞌ Yosë yonquicaso nipirinhuëꞌ, naꞌcon oꞌotonaꞌ, capa cancantopi. Co Yosë tëꞌhuatatonaraihuëꞌ, napopi. Aꞌnapita catahuacasoꞌ yaꞌhuëpirinhuëꞌ, co nosoropihuëꞌ. Inahuara noya yaꞌhuëcasoráchin yonquipi. Niꞌcoꞌ iyaroꞌsaꞌ. Huaꞌquiꞌ co oꞌnanpachinahuëꞌ, noꞌpaꞌ yaniromarin. Ina pochin nipachina, yararoꞌtëꞌ quënanpatamara, paꞌyatëramaꞌ. “Oꞌnan huëꞌsarin,” topiramahuëꞌ, co oꞌnaninhuëꞌ. Ihuanaꞌ paꞌnin. Inapochachin inapitasoꞌ pënënpirinënquëmahuëꞌ, nonpin nanan aꞌchintatënënquëmaꞌ co catahuarinënquëmahuëꞌ. Nara nitërinsontaꞌ yonquicoꞌ. Piꞌipi tahuëri nanihuachina, nitacasoꞌ yaꞌhuërin. Co nitohuachinahuëꞌ, “Nani chiminin huachi,” taꞌton, huaꞌanëni nishitëtërin. Itënë chachin ocoirin niꞌton, noyá chiminin huachi. Inapochachin nonpin nanan aꞌchinaꞌpiroꞌsaꞌ ina nara pochin niconpi. Quisocristo nanamën nitotaponaraihuëꞌ, chimipi pochin nicatonaꞌ, aꞌpopi. Ina marëꞌ chiníquën anaꞌintacasoꞌ yaꞌhuërin huachi.