Marcos 11:17 - Chayahuita (Shahui)

¹⁷ —Yosë quiricanënquë ninshitërinpoaꞌ. “Ca nohuanto, pëinëhuë yaꞌhuëꞌin nontiinacoso marëꞌ. Yaꞌipi piyapiꞌsaꞌ nisha nisha nananquë nonpisopita nontiinacoso marëáchin acotëranquëmaꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin atarantëramaꞌ, itërin Quisosori.

Marcos 11:17 ပူးပေါင်းရင်းမြစ်များ

Isaías 60:7

Quitaroquë yaꞌhuëpisopita, pëꞌtahua huëntonoꞌsa quëshiarinënquëmaꞌ. Nipayoquë yaꞌhuëpisopitantaꞌ, carniro huëntonoꞌsa quëshiarinënquëmaꞌ. Yaꞌipi inapita pëꞌtahua huëntonoꞌsa Sinioro artaronënquë ina marëꞌ aꞌnotaramaꞌ. Inapohuatamaꞌ, inaso noya noya niꞌsarinquëmaꞌ. Inapita quëran Siniorosoꞌ, noyápiachin pëinën, noya noya acoapon.

Jeremías 7:11

Iso pëi acotërinacososoꞌ, nóya. Canpitariso napoaponahuëꞌ, ihuatëroꞌsa yaꞌhuëpiquë pochin atarantëramaꞌ. “Ina mini iso pëiꞌ,” ama tocosohuëꞌ. Ina pochin cancantëramasoꞌ, nani niꞌnahuë. Caso Sinioroco shaꞌhuitaranquëmaꞌ.

Marcos 11:16

“Ama nisha nisha maꞌsha Yosë pëinënquë quëntacosohuëꞌ,” tënin. Ina quëran aꞌchintaton, itapon:

Lucas 19:46

—Yosë quiricanën quëran tapon: “Ca nohuanto, pëinëhuë yaꞌhuëꞌin piyapiꞌsaꞌ nontiinacoso marëꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin nitëramaꞌ, itërin Quisosori. Itahuaton, aꞌparin.

Juan 2:14

Yosë chinotopiso pëiquë paꞌsahuatoi, iꞌiratëquë nipaꞌantopisopita quënanconai. Ohuacaꞌ, ohuica, nëpëꞌ, inapita nipaꞌantapi. Yosë chinotatonaꞌ tëpacaiso marëꞌ paꞌanapi. Aꞌnaquëontaꞌ misanënpitaquë huënsëatonaꞌ, coriqui nicanpiarapi.

Juan 2:16

Nëpëꞌ paꞌanpisopita itapon: —Isopitantaꞌ quëpacoꞌ. ¡Ama Tatahuë pëinën mircato pochin nitocosohuëꞌ! itërin Quisosori.