Marcos 10:6 - Chayahuita (Shahui)

⁶ Napoaponahuëꞌ yaꞌnan piyapi nicapon, catoꞌ piyapiíchin Yosëri ninin. Aꞌna quëmapi, aꞌna sanapi, inaíchin ninin.

Marcos 10:6 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Génesis 1:27

Yosëri piyapi acoapon, inaora pochachin acorin. Aꞌnara quëmapi, aꞌnara sanapi. Inaíchin ninin.

Génesis 5:2

Quëmapi, sanapi, nisahuaton, noya yaꞌhuëcaiso marëꞌ noya yonquirapiton shaꞌhuitërin. Acorinso tahuëri chachin nohuitaton: “Isopitasoꞌ: ‘Piyapiroꞌsaꞌ,’ itarahuë,” tënin.

Marcos 13:19

Naporoꞌ tahuëriꞌsaꞌ piyapiꞌsaꞌ chini chiníquën parisitapi. Isoroꞌpaꞌ ninin quëran huarëꞌ co ina pochin parisichátërapihuëꞌ. Ina piquëraontaꞌ co onporontaꞌ ina pochin parisitaantarapihuëꞌ.

Romanos 1:20

Isoroꞌpaꞌ ninin quëran huarëꞌ piyapiꞌsaꞌ nitotopi. Yosësoꞌ co quënanpirëhuahuëꞌ, nani maꞌsha ninin. Ina nicatonaꞌ, “Tëhuënchachin Yosë yaꞌhuërin. Yaꞌipiya nanitaparin niꞌton, ina chinotahuaꞌ,” taꞌcaso nipirinhuëꞌ, co nohuantopihuëꞌ. Napoaton naꞌinpi.

2 Pedro 3:4

“¡Maꞌpítacha nonama paya! ‘Oꞌmantararahuë,’ ¿itërinquëmaꞌ ti? Intohuasoꞌ Quisocristosoꞌ nimara, capa. Co oꞌmaarinhuëꞌ, tënai. Tatanënpoarinta ninarápirinahuëꞌ, nani chiminpi. Isoroꞌpaꞌ ninin quëra huarëꞌ inachachin inachachin nisárin. Co onporontaꞌ nisha tahuëri nisarinhuëꞌ,” tosapi.