Marcos 10:5 - Chayahuita (Shahui)

⁵ —Co tëꞌyatacasoꞌ pënëninquëmahuëꞌ. Canpitasoꞌ co natantochináchinhuëꞌ cancantëramaꞌ niꞌton, Moisësë napopënëninquëmaꞌ.

Marcos 10:5 ပူးပေါင်းရင်းမြစ်များ

Nehemías 9:26

Quëmarisoꞌ nosoropiranhuëꞌ, co natëtënënhuëꞌ anoꞌhuitërinën. Pënëntëransopita nocanatona aꞌpopi. Quëma marëꞌ pënëntopisopitanta tëpapi. Inapitari co noyahuëꞌ nipiso aꞌninquëchin shaꞌhuitopi: ‘Ina aꞌporahuatomaꞌ, Sinioroíchin tahuërëtocoꞌ,’ itopi. Napotopirinahuëꞌ, tëpapi. Inapoatona panca tëhuëtërinën.

Mateo 19:8

—Co tëꞌyatacasoꞌ pënëninquëmahuëꞌ. Co natantochináchinhuëꞌ cancantëramaꞌ niꞌton, napotërinquëmaꞌ. “Coisëquë ninshitaquë huarëꞌ tëꞌyatërëꞌ,” itopirinquëmahuëꞌ, yaꞌnan nipon quëran huarëꞌ co Yosë nohuantërinhuëꞌ saꞌamaꞌ tëꞌyatacasoꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Deuteronomio 24:1

Naquëranchin Moisësë israiroꞌsa nontaantarin: “Aꞌna quëmapi sanapi maponahuëꞌ, ichihuëꞌërinquë co costarinsohuëꞌ niꞌnin. Napohuachina tëꞌyatërinsoꞌ nitotacaiso marëꞌ, quiricaquë aninshitahuaton, ina sanapi quëtapon. Inapotahuaton aꞌpapon huachi.

Deuteronomio 31:27

Nani co natantochináchinhuëꞌ cancantëramasoꞌ, nitotërahuë. Niꞌcoꞌ. Nanpichinapo chachinta Sinioro co natëtomarahuë tëhuëtëramaꞌ. Aquëtë huarëꞌ nisarama chiminpatosoꞌ.

Deuteronomio 9:6

Yonquicamaso marëꞌ naquëranchin shaꞌhuichinquëmaꞌ. Co canpita noya ninamaso marëꞌ ina noyaroꞌpaꞌ quëtarinquëmahuëꞌ. Canpitaso co natantochináchinhuëꞌ cancantërama niꞌton, co quëtiinquëmaso nipirinhuëꞌ,” itërin.