Marcos 10:41 - Chayahuita (Shahui)

⁴¹ Chiníquën nanan nohuantopisoꞌ natanahuatonaꞌ, aꞌnapitarisoꞌ noꞌhuipi.

Marcos 10:41 ပူးပေါင်းရင်းမြစ်များ

Proverbios 13:10

“Caso noya noyaco,” topisopitasoꞌ, aꞌnaroáchin nanan ocoipi. Sano piyapiroꞌsaso nipirinhuëꞌ, yonquínahuan nicacaisoꞌ naꞌcon naꞌcon cancantopi.

Mateo 20:24

Ina quëran oshaquëran aꞌnapita caꞌtanoꞌsanënpitari natanpi. “Chini chiníquën nanantacaisoꞌ ¿nohuantopi ti?” taꞌtonaꞌ, noꞌhuipi.

Marcos 10:42

Quisososo nipirinhuëꞌ, yaꞌipi caꞌtanoꞌsanënpita përasahuaton, pënënin. —Co Yosë imapisopitahuëꞌ chiníquën nanantacaisoꞌ paꞌyatopi. Huaꞌan yaꞌconpachinara, chiníquën nanantatonaꞌ, yacamaitopi. Piyapinënpitantaꞌ aparisitopi.

Lucas 22:24

Ina quëran inahua capini ninontapi. “¿Inquënpoataꞌ chini chiníquën nanantërëꞌpëhuaya?” nitopi. Yaꞌipiya chiníquën nanan nohuantopi.

Lucas 22:25

Napoaton Quisosori itërin: “Nisha piyapiꞌsaꞌ co Yosë nohuitopihuëꞌ. Huaꞌanënapita chiníquën nanantatonaꞌ, piyapinënpita camaipi. ‘Casoꞌ noyaco niꞌton, “aꞌpaitonaꞌpi,” itoco,’ toconpi aꞌnaya aꞌnaya.

Romanos 12:10

Imaramasopita capini noya ninosorocoꞌ. Iyaparima pochin niniꞌcoꞌ. Ama “Casoꞌ noya noyaco,” tocosohuëꞌ. Aꞌnapita noya noya niꞌcoꞌ.

Filipenses 2:3

Aꞌnaquën chiníquën nanan nohuantopi. Inasáchin yonquiatonaꞌ, aꞌnapita nocanpi. “Casoꞌ noya noyaco,” topi yonquinëna quëran. Canpitaso nipirinhuëꞌ ama ina pochin cancantocosohuëꞌ. Aꞌnapita noya noya niꞌcoꞌ.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.