Marcos 10:34 - Chayahuita (Shahui)

³⁴ Inapita tëhuarahuatonaco, ipitarinaco. Chiníquën huihuiarinaco, pëꞌshararinaco. Ina quëran tëpararinaco. Chiminaporahuëꞌ, cara tahuëri quëran nanpiantarahuë,” itantarin.

Marcos 10:34 ပူးပေါင်းရင်းမြစ်များ

Salmos 16:10

Quëmasáchin Sinioro natëranquën niꞌton, co nohuantaranhuëꞌ nonëhuë chanatacasoꞌ. Huaꞌyanëhuëntaꞌ, co chimipiroꞌsa yaꞌhuërinquë tëꞌyataranhuëꞌ.

Salmos 22:13

Paꞌpinisoꞌ përaantahuaton maꞌsha manin. Inapochachin inimicoroꞌsantaꞌ, noꞌhuimiatahuatonaco pashitaꞌparinaco.

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Mateo 16:21

Naporo quëran huarëꞌ chiminacasoꞌ ninoton, caꞌtanoꞌsanënpita shaꞌhuitërin: —Quirosarinquë paꞌpato, naꞌcon parisitaꞌhuasoꞌ yaꞌhuërin. Cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita co huachi quëꞌyaarinacohuëꞌ. Tëpaarinaco. Chiminaporahuëꞌ, cara tahuëri quëran Yosë ananpitaantarinco, itërin.

Mateo 26:67

Ina quëran ipirayatahuatonaꞌ, ahuëpi. Aꞌnaquënintaꞌ tonporayatahuatonaꞌ, chiníquën panpirayapi.

Mateo 27:63

—Sinioro huaꞌan, Quisosocosoꞌ nonpintëꞌ, tënai. Nani yonquirai. Coꞌhuara chimiyantëraponhuëꞌ, piyapiꞌsaꞌ shaꞌhuitërin. “Tëpahuachinaco, cara tahuëri quëran nanpiantarahuë,” toconin.

Marcos 14:63

Ina natanahuaton Corto huaꞌanso, chiníquën noꞌhuitërin. Aꞌmorinso osharahuaton tapon: —“¡Casoꞌ Yosë huiꞌninco,” toconin! Nani natanëhuaꞌ. Co huachi aꞌnapitari shaꞌhuirapicaisoꞌ nohuantarihuahuëꞌ.

Marcos 14:65

Naporahuatonaꞌ, Quisoso ipitopi. Tonporayatahuatonaꞌ, chiníquën panpirayapi. —Quëmasoꞌ Cristonquën nipatan, ninoton noꞌtëquën shaꞌhuitocoi. ¿Intaꞌ ahuërinquën? itoonpi. Ponisiaroꞌsarintaꞌ chiníquën ahuërayapi.

Marcos 9:31

Ina quëran caꞌtanoꞌsanënpita aꞌchintaton, napotërin: —Yosë quëran quëmapico nipirahuëꞌ, piyapiꞌsaꞌ masarinaco. Shaꞌhuirapihuachinco, masarinaco. Mapachinaco, tëpararinaco. Chiminaporahuëꞌ, cara tahuëri quëran nanpiantarahuë, itërin.

Lucas 23:11

Napohuachina, Irotisëri tëhuarin. Sontaronënpitarintaꞌ tëcaripi. Noyápiachin huaꞌan aꞌmorinso pochin aꞌmotahuaton, Piratoquë aꞌpaantarin.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 2:10

Huëꞌpachina, itërin: —¡Maꞌpitacha ninan paya! Iso huinosoꞌ noya noya, yashin yashin oꞌocasoꞌ. Yaꞌipi piyapiꞌsaꞌ noya noya huino nininsoꞌton oꞌshipi. Ina quëran nani natëhuachinara, co onpopinchin noyahuëꞌ nininsoꞌ oꞌshiantarapi. Quëmaso nipirinhuëꞌ ipora huarëꞌ noya noya huino oꞌshitërancoi, itërin. Quisoso naporinsoꞌ co nitotatonhuëꞌ, naporin.

1 Corintios 15:4

“Chiminpachina, paꞌpitopi huachi. Paꞌpitopirinahuëꞌ, cara tahuëri quëran nanpiantarin,” itëranquëmaꞌ. Quiricanënquë ninorinso chachin nanpiantarin: