Marcos 10:29 - Chayahuita (Shahui)

²⁹ —Tëhuënchachin iyaroꞌsaꞌ imamacoso marëꞌ nani maꞌsha patohuatamaꞌ, naꞌcon naꞌcon Yosë catahuarinquëmaꞌ, tënahuë. Aꞌnaquëmaꞌ mini nanamëhuë aꞌchinacamaso marëꞌ co huachi yaꞌhuëmiataramahuëꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tatamaꞌ, mamamaꞌ, huiꞌnamaꞌ, noꞌpanëmaꞌ, inapita patëramaꞌ.

Marcos 10:29 ပူးပေါင်းရင်းမြစ်များ

Génesis 45:20

Naporahuaton, ama aquëtë maꞌshanënapita yonquiꞌinasohuëꞌ. Iquipitoquë maꞌsha noya noya nininsopita, inapitari huaꞌanëntaponaꞌ, itëquëꞌ, itërin.

Mateo 10:18

Imaramacoso marëꞌ huaꞌanoꞌsaꞌ yaꞌhuërinquë shaꞌhuirapiarinënquëmaꞌ. Copirnoroꞌsaquëntaꞌ quëpaarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacamaso marëꞌ. Inaquë nisha piyapiroꞌsantaꞌ aꞌchintaramaꞌ.

Mateo 19:29

Aꞌnaquëma mini imamacoso marëꞌ maꞌshanëmaꞌ pataramaꞌ. Ina marëꞌ Yosë acanaarinquëmaꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tataparimaꞌ, mamaparimaꞌ, saꞌamaꞌ, huiꞌnamaꞌ, noꞌpanëmaꞌ inapita pataramaꞌ aꞌchinacaso marëꞌ. Inapohuatamaꞌ, aꞌnaíchin marëꞌ pasa aquëtë canarëso pochin quëtarinquëmaꞌ. Ina quëran aꞌna tahuëri Yosëꞌpaꞌ nanpimiataramaꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Marcos 8:35

Noya nanpicamasoráchin yonquihuatamaꞌ, topinan quëran nanpiaramaꞌ. Aꞌna tahuëri chiminpatamaꞌ, parisitomiataramaꞌ. Nipirinhuëꞌ, casáchin yonquihuatamaco, noya nanan aꞌchinamaso marëꞌ parisitapomarahuëꞌ, co topinan quëran nanpiaramahuëꞌ. Yosëꞌpaꞌ nanpimiatarama huachi.

Lucas 18:29

—Tëhuënchachin iyaroꞌsaꞌ, nani maꞌsha patohuatamaꞌ, naꞌcon naꞌcon Yosë catahuarinquëmaꞌ, tënahuë. Aꞌnaquëmaꞌ Yosë huaꞌanëntërinsoꞌ aꞌchinacamaso marëꞌ pëinëmaꞌ, saꞌamaꞌ, iyaparimaꞌ, tatamaꞌ, mamamaꞌ, huiꞌnamaꞌ, inapita pataramaꞌ.

1 Corintios 9:23

Ina pochin Yosë nanamën aꞌchinpato, naꞌcon naꞌcon piyapiꞌsari ina nohuitapi antaꞌ. Ina marëꞌ cantaꞌ noya cancantërahuë.

Apocalipsis 2:3

Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.