Marcos 10:23 - Chayahuita (Shahui)

²³ Ina quëran Quisosori caꞌtanoꞌsanënpita niꞌsahuaton, itapon: —Paꞌpi sacai maꞌhuanoꞌsaꞌ Yosë huaꞌanëntërinquë yaꞌconacaisoꞌ, itërin.

Marcos 10:23 ပူးပေါင်းရင်းမြစ်များ

Copo naporinso' 31:24

‘Oro, coriqui, inapita yaꞌhuëtërinco niꞌton, noya yaꞌhuëápo,’ co tënahuëꞌ.

Mateo 18:3

—Natanco iyaroꞌsaꞌ piꞌpian aꞌchinchinquëmaꞌ. Co noꞌtëquën yonquiyátëraramahuëꞌ. Huaꞌhuasharoꞌsaꞌ yonquicoꞌ. Co chiníquën nanan nohuantopihuëꞌ. Co aꞌnapita nocanpihuëꞌ. Co inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ.

Marcos 10:15

Tëhuënchachin carinquëmaꞌ itaranquëmaꞌ, huaꞌhuaroꞌsaꞌ aꞌnaroáchin yaimarinaco. Coꞌsoꞌ inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ, itërin.

Marcos 10:22

Ina natanahuaton, co huachi noyahuëꞌ cancantërin. “Huaꞌhuayatërahuëꞌ maꞌsha yaꞌhuëtërinco,” taꞌton sëtërin. Sëtaton, paꞌnin huachi.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Marcos 5:32

Itopirinahuëꞌ, Quisososoꞌ aꞌnaya aꞌnaya niꞌsarin. “¿Intaꞌ sëꞌhuarinco?” taꞌton, niꞌsárin.

Lucas 18:24

Napohuachina, Quisosori itërin: —Sacai quëran maꞌhuanoꞌsaꞌ Yosë huaꞌanëntërinquë yaꞌconapi.

Juan 3:5

Napotohuachina, Quisosori itaantapon: —Noꞌtëquën shaꞌhuitaranquën. Iꞌquë amarëso pochin cancanëmaꞌ anoyatacasoꞌ yaꞌhuërin. Yaꞌipi co noyahuëꞌ yonquiramasopita naniantocoꞌ. Ina naniantohuatamaꞌ, Ispirito Santo anoyacancantohuachinquëmaꞌ, nasitaantarëso pochin nisaramaꞌ. Naporo huarëꞌ Yosë huaꞌanëntërinquë yaꞌconaramaꞌ.

1 Corintios 1:26

Niꞌcoꞌ iyaroꞌsaꞌ. Naꞌaquëmaꞌ co naꞌcon nitotopiramahuëꞌ, Yosë huayoninquëmaꞌ. Co chiníquën nanantonaꞌpiroꞌsa pochin nipiramahuëꞌ, nohuantërinquëmaꞌ. Caraíchin maꞌhuanoꞌsasoꞌ imasapi.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

Santiago 4:4

Canpitasoꞌ co huachi Yosëíchin yonquiramahuëꞌ. Yosë yonquipiramahuëꞌ, nani maꞌsha naꞌcon naꞌcon nohuantatomaꞌ, yamonshihuaninso pochin cancantëramaꞌ. Capa cancantacasoáchin paꞌyatëramaꞌ. Maꞌsharáchin yonquiatomaꞌ, Yosë inimiconën pochin cancantëramaꞌ.

2 Pedro 1:11

Cancanëma quëran huarëꞌ imapatamaꞌ, aꞌna tahuëri huaꞌanëntërinquë quëpantarinquëmaꞌ noya yaꞌhuëmiatacamaso marëꞌ. Sinioro Quisocristo nóya cancantaton, nichaꞌësarinpoaꞌ. Inápaquë paꞌpatëhuaꞌ, co onporontaꞌ pipiarëhuahuëꞌ.