Marcos 10:20 - Chayahuita (Shahui)

²⁰ —Co mantaꞌ Maistro onporahuëꞌ. Huaꞌhuatapo quëran huarëꞌ yaꞌipi inapita natërahuë, itërin.

Marcos 10:20 ပူးပေါင်းရင်းမြစ်များ

Isaías 58:2

Isopochin shaꞌhuitëquëꞌ: ‘Canpitaso nani tahuëri yonquiramaco. Imatomaco onpopinsona nanpicamasoꞌ nitotëramaꞌ. Napoaton noya cancantaramaꞌ. Noyasáchin ninaꞌpiroꞌsa pochin ninamaꞌ. Camaitërahuësopitantaꞌ, co naniantëramasohuë pochin ninamaꞌ. Noꞌtëquënáchin pënënaꞌhuanquëmasoꞌ nohuantëramaꞌ. Natëtomaco noya ancantëramaso pochin ninamaꞌ.

Malaquías 3:8

Naporama niꞌton, carimanta ayonquiꞌinquëmaꞌ: ‘¡Caso Yosëco niꞌto, co onporonta ihuamacoso yaꞌhuërinhuëꞌ! ¡Canpitaso napoaponahuëꞌ, ihuaramaco!’ Napoapomarahuëꞌ, ‘¿maꞌta onpoatoi ihuarainquënsoꞌ?’ itaantaramaco. ‘Diesmoroꞌsa co quëtatomacohuëꞌ, ihuaramaco. Maꞌpitaso quëtamacoso nininsontaꞌ, co quëtatomacohuëꞌ naporamaꞌ.

Mateo 19:20

—Huaꞌhuatapo quëran huarëꞌ inapita natërahuë. ¿Maꞌtaꞌ pahuantarinco nicaꞌhuasoꞌ? itaantarin maꞌhuani.

Marcos 10:21

Ina natanahuaton, nirayarin. “Tëhuënchachin noya yonquirin,” taꞌton nosororin. —Isontaꞌ iyasha Yosë nohuantërin taꞌa. Paquëꞌ. Yaꞌipi maꞌshanënpita paꞌanahuaton, coriqui canaransoꞌ saꞌahuaroꞌsaꞌ quëtëquëꞌ. Ina quëran huëquëꞌ imaco huachi. Inapohuatan, aꞌna tahuëri Yosëꞌpaꞌ canamiataran, itërin.

Lucas 10:29

—Ina nitotaporahuëꞌ, ¿maꞌtaꞌ onpoꞌi? ¿Inpitaquë huarëtaꞌ nosoroꞌi? itaantarin.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

Filipenses 3:6

Inasáchin imato, Quisocristo imapisopita chiníquën aparisitërahuë. “Iráca pënëntërinsoꞌ noꞌtëquën natërahuë,” taꞌto, noya piyapico, topirahuëꞌ.

2 Timoteo 3:5

“Quiyantaꞌ Yosë imarai,” topirinahuëꞌ, co tëhuënchachin imapihuëꞌ. Chinotopirinahuëꞌ, co cancanëna quëran huarëꞌ natëpihuëꞌ niꞌton, co Yosëri catahuarinhuëꞌ ina pochin cancantacaisoꞌ. Ama inapita natanquësohuëꞌ. Tananpitëquëꞌ paꞌinaꞌ.