Marcos 10:11 - Chayahuita (Shahui)

¹¹ —Saꞌamaꞌ tëꞌyatatomaꞌ, aꞌna sanapi mapatamaꞌ, inasoꞌ co saꞌama chachinhuëꞌ niꞌton, monshitëramaso pochin Yosëri niꞌnin. Ina marëꞌ oshahuanaramaꞌ.

Marcos 10:11 ပူးပေါင်းရင်းမြစ်များ

Mateo 19:9

Napoaton carinquëmaꞌ pënëinquëmaꞌ. Co saꞌamaꞌ monshihuanpirinhuëꞌ, tëꞌyatohuatamaꞌ, oshahuanamaꞌ. Ina quëran aꞌna sanapi mapatamaꞌ, co inasoꞌ saꞌamahuëꞌ. Monshitëramaso pochin Yosëri niꞌnin, itërin.

Marcos 10:10

Nani pëiquë yaꞌconpachina, naquëranchin caꞌtanoꞌsanënpitari itaponaꞌ: —Achin naporansoꞌ aꞌchintantacoi nitochii, itopi.

Lucas 16:18

Ina quëran Quisosori pënëantarin: “Co saꞌamaꞌ tëꞌyatamasoꞌ yaꞌhuërinhuëꞌ. Noya nichinpitacasoꞌ yaꞌhuërin. Napoaton saꞌamaꞌ tëꞌyatatomaꞌ, aꞌna sanapi maantahuatamaꞌ, oshahuanaramaꞌ. Monshihuaninso pochin Yosë niꞌsarinquëmaꞌ. Insosona ina sanapi soꞌini tëꞌyatërinso chachin maantahuachina, inantaꞌ monshihuaninso pochin Yosëri niꞌsarin,” itërin.

1 Corintios 7:4

Sanapi nani soꞌyahuachina, co inaora nohuantërinsoꞌ yonquicasoꞌ yaꞌhuërinhuëꞌ. Soꞌin nohuantërinsontaꞌ yonquicasoꞌ yaꞌhuërin. Quëmapintaꞌ co inaora nohuantërinsoꞌ yonquicasoꞌ yaꞌhuërinhuëꞌ. Saꞌin nohuantërinsontaꞌ yonquicasoꞌ yaꞌhuërin.

Deuteronomio 24:2

Soꞌin yaꞌhuërin quëran pipihuachina, nanitërin inasoꞌ, aꞌna quëmapi soꞌyataantacasoꞌ.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.