Marcos 1:9 - Chayahuita (Shahui)

⁹ Naporo tahuëriꞌsaꞌ Quisoso Cariria parti quëran huëꞌnin. Nasaritoquë yaꞌhuëpirinhuëꞌ, Coansha pënëntarinquë huëꞌnin. Huëꞌpachina, Coanshari Cortaniquë aporintërin.

Marcos 1:9 ပူးပေါင်းရင်းမြစ်များ

Mateo 2:23

Inatohuaꞌ aꞌna ninanoꞌ yaꞌhuërin, Nasarito itopisoꞌ. Inaquë yaꞌhuërarin. Iráca pënëntonaꞌpiroꞌsaꞌ ninopi. “Cristo huëꞌpachin, Nasarito piyapi itaponaꞌ,” topi. Napoaton Yosë nohuanton, inaquë yaꞌhuaton, huiꞌnapitërin huachi.

Marcos 1:10

Iiꞌ quëran nonshihuachina, aꞌnaroáchin inápaquë piꞌiroꞌtëꞌ niꞌsoatërin. Ispirito Santontaꞌ, nëpë pochin nohuaraimarin, niꞌnin. Nohuaraimarahuaton, Quisoso yaꞌcoancantomiatërin.

Marcos 1:8

Casoꞌ iꞌquë aporintëranquëmaꞌ. Inaso nipirinhuëꞌ Ispirito Santo ayaꞌcoancantarinquëmaꞌ,” itërin.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.