Marcos 1:8 - Chayahuita (Shahui)

⁸ Casoꞌ iꞌquë aporintëranquëmaꞌ. Inaso nipirinhuëꞌ Ispirito Santo ayaꞌcoancantarinquëmaꞌ,” itërin.

Marcos 1:8 ပူးပေါင်းရင်းမြစ်များ

Proverbios 1:23

Cariima pënënanquëmasoꞌ, natëco huachi. Natëhuatamaco, ispiritonëhuë ayaꞌcoancantaranquëmaꞌ. Naporahuaton, yonquirahuësopita anitotaranquëmaꞌ.

Isaías 32:15

Napoaponahuëꞌ, Siniorosoꞌ yaꞌipi nanitapaton, oꞌmantararin catahuainpoaso marëꞌ. Naporoꞌ inotëroquëntaꞌ, noyaroꞌpaquë pochin shaꞌtaponaꞌ. Noyaroꞌparoꞌsantaꞌ, aquëtë huarëꞌ noya noya nicapon.

Isaías 44:3

Ca nohuanton inotëroquë naꞌcon iꞌ yaꞌhuëapon. Yaniroquëntaꞌ, iꞌshanaroꞌsa yaꞌhuëapon. Canpita quëran pipipisopitanta ispiritonëhuë ayaꞌcoancantarahuë. Inapotahuato naꞌcon catahuaarahuë.

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Mateo 3:11

Co noyahuëꞌ yonquiramasopita naniantohuatamaꞌ, iꞌquë aporintaranquëmaꞌ. Ca piquëranso nipirinhuëꞌ aꞌna quëmapi huëꞌsarin. Inasoꞌ chini chiníquën nanantërin. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌto, co sapatën quëpacaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ pënquë chiníquën anaꞌintarinquëmaꞌ.

Marcos 1:7

“Ca piquëran aꞌna quëmapi huëꞌsarin chini chiníquën nanantërinsoꞌ. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ.

Marcos 1:9

Naporo tahuëriꞌsaꞌ Quisoso Cariria parti quëran huëꞌnin. Nasaritoquë yaꞌhuëpirinhuëꞌ, Coansha pënëntarinquë huëꞌnin. Huëꞌpachina, Coanshari Cortaniquë aporintërin.

Lucas 3:16

Ina natanahuaton, Coanshari itërin: —Aporintëranquëma mini nipirinhuëꞌ, co casoꞌ Cristocohuëꞌ. Ca piquëran inasoꞌ huëꞌsarin. Inaso chini chiníquën nanantërin. Casoꞌ co piꞌpisha tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ, pënquë chiníquën anaꞌintarinquëmaꞌ.

Juan 1:26

—Iꞌquë mini aporintarahuë. Nipirinhuëꞌ, iporasoꞌ aꞌna quëmapi yaꞌhuërin, co nohuitëramasohuëꞌ.

Hechos 1:5

Coanshasoꞌ iꞌquë aporintërinquëmaꞌ. Iporaso nipirinhuëꞌ Ispirito Santo ayaꞌcoancantaranquëmaꞌ catahuainquëmaso marëꞌ. Co huaꞌqui quëranhuëꞌ yaꞌcoancantarinquëmaꞌ, itërin caꞌtanoꞌsanënpita.

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 2:17

‘Aꞌna tahuëri ispiritonëhuë aꞌpamarahuë nisha nisha piyapiꞌsaꞌ yaꞌcoancantacaso marëꞌ. Yaꞌcoancantohuachin, huiꞌnamapita nanamëhuë shaꞌhuirapi. Huiꞌnapiꞌsantaꞌ co huëꞌëponaraihuëꞌ, huaꞌnarëso pochin quënanapi. Mashoroꞌsantaꞌ huaꞌnarapi.

Hechos 2:4

Napohuachina, Ispirito Santori yaꞌipiya yaꞌcoancantërin. Ina quëran inari catahuarin nisha nisha nananquë nonacaiso marëꞌ. Co nitotaponaraihuëꞌ, aꞌnaroáchin nonpi huachi.

1 Corintios 12:13

Ispirito Santo chachin Quisocristo huëntonënquë ayaꞌconinpoaꞌ. Cotioroꞌsahuë nipon, nisha piyapiꞌsahuë nipon, napopináchin Yosë niꞌninpoaꞌ. Aꞌnaquëmaꞌ canpitaora marëꞌ sacatëramaꞌ. Aꞌnaquëmaꞌ nani tahuëri patronëmaꞌ asacatërinënquëmaꞌ. Nisha nishanpoaꞌ nipirihuahuëꞌ, Ispirito Santo catahuarinpoaꞌ. Quisocristo imarëhuaꞌ niꞌton, huëntonënquë ayaꞌconinpoaꞌ. Aporintohuachinënpoara, aꞌna huëntoínchin ninëhuaꞌ. Yaꞌipi imarëhuasopita Ispirito Santo yaꞌcoancantërinpoaꞌ.