Marcos 1:45 - Chayahuita (Shahui)

⁴⁵ Napotopirinhuëꞌ, papon pochin yaꞌipi piyapi shaꞌhuitëraꞌpiarin. “Quisoso anoyatërinco,” itëraꞌpiarin. Yaꞌipi naporinsoꞌ nahuinin. Napoaton piyapiꞌsaꞌ niꞌtërantapaquë co huachi Quisoso iratërinhuëꞌ. Co huachi nanitërinhuëꞌ aꞌninquëchin ninanoroꞌsaquë pacacasoꞌ. Co piyapiꞌsaꞌ yaꞌhuërinquëhuëꞌ yaꞌhuërárin. Ina niponahuëꞌ, yaꞌipi parti quëran huëꞌpi nicaponaꞌ.

Marcos 1:45 ပူးပေါင်းရင်းမြစ်များ

Mateo 28:15

—Noyahuaꞌ. Napoꞌi nipachin, tosahuatonaꞌ, coriqui maꞌpatopi. Paꞌsahuatonaꞌ, piyapiꞌsaꞌ nonpintopi. Cotio huaꞌanoꞌsari shaꞌhuitopiso chachin nonpinpi. Ipora huantaꞌ naꞌa cotioroꞌsaꞌ ina nonpin nanan natëpi.

Mateo 9:26

Napohuachina, yaꞌipi parti nanan nahuinin.

Mateo 9:31

pipirahuatonaꞌ, naꞌa piyapiꞌsaꞌ shaꞌhuitëraꞌpiapi. —Quisoso anoyarayatërincoi. Noya huachi quënantërai, itëraꞌpiapi. Yaꞌipi parti quëran natantopi.

Marcos 2:13

Naquëranchin panca sonoꞌ yonsanquë Quisoso paantarin. Inaquë huaꞌhuayátërahuë piyapiꞌsaꞌ huëꞌpachinara, aꞌchintarin.

Marcos 3:20

Ina quëran aꞌna pëiquë paꞌpi. Naquëranchin notohuaroꞌ piyapiꞌsari huëcapaiantapi niꞌton, co nanitopihuëꞌ capacaiso tërantaꞌ.

Marcos 3:7

Quisososoꞌ panca sonoꞌ yonsanquë paantarin. Caꞌtanoꞌsanënpitarëꞌ paꞌnin. Naꞌa piyapiꞌsari imasapi. Aꞌnaquën Cariria parti quëran huëꞌpi.

Marcos 7:36

Quisosori piyapiꞌsaꞌ pënënin: “Ama aꞌnapita shaꞌhuitocosohuëꞌ,” itërin. Itopirinhuëꞌ, piyapiꞌsasoꞌ paꞌsahuatonaꞌ, shaꞌhuiraꞌpiapi. Naꞌcon naꞌcon pënënpirinhuëꞌ, aquë aquëtë huarëꞌ shaꞌhuiraꞌpiapi.

Juan 6:2

Notohuaroꞌ piyapiꞌsaꞌ imasarinacoi. Naꞌa caniaꞌpiroꞌsaꞌ Quisosori aꞌnaroáchin anoyatërin. Ina nicatonaꞌ, imasapi.

Tito 1:10

Naꞌa quëmapiꞌsaꞌ co natëtochináchinhuëꞌ cancantopi. Inahuara yonquinëna quëran aꞌchinapi niꞌton, topinan quëran nonsápi. Cotioroꞌsaꞌ pënëntërinsoꞌ imatonaꞌ, napopi. Nisha nisha nonatonaꞌ, yanonpinapi.