42 Itohuachina, aꞌnaroáchin canio inquirin.
Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.
—¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.
Inaquë paaparahuaton, maimirarahuaton, opatërin. Naporo chachin sapo otanotërin. Otanotahuaton, inari chachin aꞌcarin, oꞌshitërin, napotërin.
Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.
Naporo chachin Quisosori chiníquën pënënin. —¡Ama insontaꞌ shaꞌhuitëquësohuëꞌ! Corto huaꞌainchin sacatërinquë paaton, noyatëransoꞌ aꞌnotonquëꞌ niꞌinquën. Naporahuaton, Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Ina quëran aꞌparin huachi.
Naporoꞌ aꞌnaroáchin huënaiꞌ noꞌnarin. Canio quëran nani noyatërin ninatanin.
Carinquëmaꞌ nani anoyacancantëranquëmaꞌ. Aꞌchintëranquëmasoꞌ natëramaꞌ niꞌton, anoyacancantëranquëmaꞌ.
