Marcos 1:20 - Chayahuita (Shahui)

²⁰ “Huëcoꞌ paꞌahuaꞌ, ca imaco,” itohuachina, paꞌpin, inpriatonënpita, inapita potiquë patahuatonaꞌ, Quisoso imapi.

Marcos 1:20 ပူးပေါင်းရင်းမြစ်များ

1 Reyes 19:20

Naporo chachin Irisiosoꞌ, tororoꞌsa aꞌporin. Ina quëran taꞌarahuaton icantoonin: —Imasaranquën mini sinioro. Napoaponahuëꞌ, quëtoco paato, tata, mama, inapita nonta nontaꞌi, itërin. —Noya paquëꞌ. Ama napoaponahuëꞌ, napotëranquënsoꞌ naniantëquësohuëꞌ, itërin Iniasëri.

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Marcos 1:19

Amashamiachin Santiaco, Coansha, inapitantaꞌ quënancoantarin. Sipitio huiꞌninpita inahuasoꞌ. Paꞌpinarëꞌ potiquë huënsëatonaꞌ, ritinënaꞌ pasonapi.

Marcos 1:21

Ina quëran Capinaomoquë canconpi. Chinoto tahuëri nanihuachina, cotioroꞌsaꞌ niyontonpiso pëiquë yaꞌconin. Inaquë aꞌchinarin.

Marcos 10:29

—Tëhuënchachin iyaroꞌsaꞌ imamacoso marëꞌ nani maꞌsha patohuatamaꞌ, naꞌcon naꞌcon Yosë catahuarinquëmaꞌ, tënahuë. Aꞌnaquëmaꞌ mini nanamëhuë aꞌchinacamaso marëꞌ co huachi yaꞌhuëmiataramahuëꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tatamaꞌ, mamamaꞌ, huiꞌnamaꞌ, noꞌpanëmaꞌ, inapita patëramaꞌ.

Lucas 14:26

“Yaimapatamaco, ca naꞌcon naꞌcon nosoroco. Tatamaꞌ, mamamaꞌ, inapita co onpopinchin nosorocasoꞌ yaꞌhuërinhuëꞌ. Saꞌamaꞌ, huiꞌnamaꞌ, iyaparimaꞌ, oshiparimaꞌ, inapitantaꞌ co onpopinchin nosorocasoꞌ yaꞌhuërinhuëꞌ. Canpitaora nohuantëramasontaꞌ naniantatomaꞌ, casáchin imaco huachi. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ.

Lucas 5:11

Ina quëran nonshirahuatonaꞌ, maꞌshanënapita patahuatonaꞌ, Quisoso imapi huachi.

2 Corintios 5:16

Iráca quiyaora yonquinëhuëi quëran yonquiatoi, aipi yaꞌnorinsoráchin yonquirai. Quisocristontaꞌ iráca co noꞌtëquën yonquirapiraihuëꞌ. “Co inasoꞌ Yosë huiꞌninhuëꞌ,” topiraihuëꞌ, iporasoꞌ noꞌtëquën yonquirai.

Deuteronomio 33:9

Inahuasoꞌ, camaitëranso natëpi. Israiroꞌsarëꞌquën anoyatëranso imamiatapi. Quëmopinëna quëran, ina naꞌcon naꞌcon cancantopi. Ina marëꞌ paꞌpinaꞌ, aꞌshinaꞌ, inapita niponaraihuëꞌ: ‘Coꞌchi onporonta niꞌnaihuë paya,’ itopi. Iinaꞌ, oshinaꞌ, inapitantaꞌ, ‘Coꞌchi nohuitëraihuëꞌ paya,’ itopi. Huiꞌnina tëranta nisapirinhuëꞌ: ‘Ahuën, inpitaso nimara,’ itopi.