Marcos 1:13 - Chayahuita (Shahui)

¹³ Inatohuaꞌ catapini shonca tahuëri yaꞌhuërin. Tanan niꞌniroꞌsapitarëꞌ yaꞌhuërin. Sopai huaꞌanintaꞌ huëcapairahuaton, tënirin. Shaꞌhuitápirinhuëꞌ ama Yosë natëcaso marëhuëꞌ. “Inca, co nohuantërahuëꞌ,” tënin. Nani sopai paꞌpachina, anquëniroꞌsari oꞌmarahuatonaꞌ, Quisoso nocomaimapi.

Marcos 1:13 ပူးပေါင်းရင်းမြစ်များ

Éxodo 24:18

Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Éxodo 34:28

Moisësëso naquëranchin catapini shonca tahuëri tashirë chachin, Siniororëꞌ yaꞌhuërárin. Co manta caꞌninhuëꞌ, co manta oꞌorinhuëꞌ. Naporoꞌ shonca nanan Yosë pënëntërinsoꞌ ninshitërin. Naꞌpitëaꞌhuaroꞌsaquë ninshitërin.

Mateo 26:53

Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 4:1

Ina quëran Ispirito Santori Quisoso quëparin inotëro parti sopairi tënicaso marëꞌ.

Lucas 4:1

Quisoso Cortani quëran pipirahuaton, huëantarin. Ispirito Santori noyá yaꞌcoancantërin. Inasáchin natërin. Naporoꞌ ina nohuanton, inotëro parti paꞌnin.

Deuteronomio 9:11

Shaꞌhuitëranquëmaso chachin catapini shonca tahuëri tashirë chachin naꞌhuërin piquëran, cato naꞌpitëaꞌhuaroꞌsa quëtërinco. Canpoarë anoyatërinso chachin ninshitaton, quëtërinco.

Deuteronomio 9:18

Naquëranchin Moisësëri israiroꞌsa nontaantarin: “Inapoatoma oshahuanamaso marëꞌ, naquëranchin isonahuato Sinioro nontërahuë. Iꞌhua naporahuëso chachin, catapini shonca tahuëri tashirë chachin co manta coshatërahuëꞌ, co manta oꞌorahuëꞌ. Panca tëhuëatoma Sinioro anoꞌhuitopiramahuëꞌ, canpita marëꞌ ina nontërahuë.

Deuteronomio 9:25

Mamanshi moshatoma oshahuanamaso marëꞌ Sinioro yaataꞌhuantërinquëmaꞌ. Ina niꞌton, naquëranchin iꞌhua naporahuëso pochin, catapini shonca tahuëri tashirë chachin isonahuë. Isonahuato chiníquën Sinioro nontërahuë: ‘Sinioro, ama piyapinënpita ataꞌhuantëquësohuëꞌ. Chiníquën nanantaton, inapitaso Iquipito quëran ocoiran. Inapotaton huaꞌanëntëran niꞌton, ama ataꞌhuantëquësohuëꞌ.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.