Malaquías 4:5 - Chayahuita (Shahui)

⁵ Niꞌcoꞌ. Anaꞌintaꞌhuaso tahuëri nanihuachin, paꞌpi huëhuëpiro nisarin. Coꞌhuara ina tahuëri naniátërasohuëꞌ, Iniasë pënëntonaꞌpi aꞌpataranquëmaꞌ.

Malaquías 4:5 ပူးပေါင်းရင်းမြစ်များ

Isaías 40:3

Natanco, aꞌna quëmapi chiníquën shaꞌhuirarin: “Sinioro yaoꞌmarin niꞌton, ira tapacoꞌ. Inotëroquë ira yaꞌhuërinso ótëcoꞌ. Panënoꞌsa papatahuatomaꞌ, iconantërinsopita mëntarotocoꞌ. Naꞌpiroꞌsanta chiꞌhuincacoꞌ. Inapochachin canpitantaꞌ, cancanëma anoyatocoꞌ.

Joel 2:31

Piꞌintaꞌ tashiarin. Yoquintaꞌ, huënai pochin nisarin. Coꞌhuara anaꞌintaꞌhuaso tahuëri naniyátërasohuëꞌ, napoarin. Ina tahuëri nanihuachin, paꞌpi huëhuëpiro nisarin,” tënin.

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Lucas 9:30

Aꞌnanaya Moisësë, Iniasë, inapita yaꞌnopi. Inahuantaꞌ huënaráchin huënaráchin nipi. Quisosorëꞌ ninontapi. “Quirosarinquë paꞌpato, tëpararinaco,” itërin Quisosori.

Juan 1:21

—Quëmasoꞌ Iniasënquën, iráca ayaponahuëꞌ, ¿yaꞌnoantamaranquën ti? itopi. —Co casoꞌ inacohuëꞌ, tënin. —¿Quëmasoꞌ pënëntonaꞌpi ninaraisoꞌ nimara ti? itaantapi. —Co inacohuëꞌ, tënin.

Juan 1:25

—Co quëmasoꞌ Cristonquënhuëꞌ. Co Iniasënquënhuëꞌ. Co pënëntonaꞌpi ninaraisonquënhuëꞌ niꞌquëhuarëꞌ, ¿onpoatontaꞌ nipachin, piyapiꞌsaꞌ aporintaran? ¿Intaꞌ nanan quëtërinquën aporintamasoꞌ? itërin.

Apocalipsis 6:17

Nani anaꞌintacasoꞌ tahuëri nanirin. Anaꞌintohuachincoi, co insonta nanitarinhuë ina chinitacasoꞌ, tosapi.