Malaquías 4:4 - Chayahuita (Shahui)

⁴ Tiquiapon pochin Siniorosoꞌ pënëntaton: “Piyapinëhuë Moisësë itopisoꞌ, Sinai motopiquë pënëntërahuësoꞌ aninshitërahuë. Ama ina naniantatomarahuëꞌ, yonquiráco. Inaquë nanamëhuë, camaitërahuësopita, inapita israiroꞌsanquëma natëcamaso marëꞌ quëtëranquëmaꞌ.

Malaquías 4:4 ပူးပေါင်းရင်းမြစ်များ

Isaías 42:21

Sinioroso Yosë nichaꞌëtonaꞌpi niꞌton, aꞌchininso noya noya niꞌcaiso marëꞌ naꞌcon naꞌcon nohuantërëhuaso chachin aꞌchinin.

Jeremías 6:16

Naquëranchin Siniorori piyapinënpita itapon: “Paꞌnamaquë ira niosërarinsoꞌ quënanconpatamara, chiniconamaꞌ. Noya niꞌsahuatoma iracaya ira huayonamaꞌ. Canpitanta chihuërëso pochin cancantohuatamaꞌ, nontoco noꞌtën ira aꞌnotërëso pochin nichinquëmaꞌ. Inasáchin paꞌtohuatamaꞌ sano cancantaramaꞌ,” itërin. Canpitaso napoaponahuëꞌ: “Co nohuantëraihuëꞌ ina ira paꞌtaꞌhuaisoꞌ,” toconamaꞌ.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Deuteronomio 4:10

Ina quëran itaantarin: “Iráca Sinai motopi notënanquë niꞌsëmaꞌ, Sinioro nontatonco napotërinco: ‘Israiroꞌsa ayontonquë nonahuësoꞌ natanacaiso marëꞌ. Noya nicatonaco chiminai huarëꞌ imainacoso marëꞌ pënënarahuë. Ina quëran huiꞌninapitanta aꞌchintohuachinaꞌ, inahuanta imasarinaco,’ itërinco.

Deuteronomio 4:23

Napoaponahuëꞌ, niꞌcona Siniororëꞌquënpoa anoyatërëhuaso naniantotamaꞌ. Ama manta mamanshi nicatoma moshacosohuëꞌ. Nani Sinioro anitotërinpoaꞌ, ama aꞌnaratipita nonanacaso marëhuëꞌ. Sinioronënpoasoꞌ paꞌpi aꞌpitërinpoaꞌ. Co natëhuatamahuëꞌ, noꞌhuitënquëmaꞌ pënquë ahuiquitërëso pochin anaꞌintarinquëmaꞌ.

Deuteronomio 8:11

Naquëranchin Moisësë israiroꞌsa nontaantarin: “Sinioronënpoasáchin Yosëso niꞌton, niꞌcona ina naniantotamaꞌ. Niꞌcona camaitërinsopita, pënëntërinsopita, inapita naniantotamaꞌ. Inapita ipora tahuëri shaꞌhuitaranquëmaꞌ.

Deuteronomio 8:19

Napotopiranquëmahuëꞌ, ina naniantatoma nisha nisha mamanshiroꞌsa moshahuatamaꞌ, iporaquëranchin shaꞌhuitaranquëmaꞌ: Tëhuënchachin naꞌcon naꞌconquëma taꞌhuantarama tënahuë.