Malaquías 4:3 - Chayahuita (Shahui)

³ Anaꞌintaꞌhuaso tahuëri nanihuachin, canpitaso piyapinëhuëpitanquëma nicatomaꞌ, co noyahuëꞌ nipisopita minsëaramaꞌ. Nonëna huiquitërinso yanonën, toꞌpi toꞌpitapomaꞌ,’ itëranquëmaꞌ,” tënin.

Malaquías 4:3 ပူးပေါင်းရင်းမြစ်များ

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

2 Samuel 22:39

¡Yaꞌipi tiquiato, paꞌsa paꞌsatërahuë! Notatohuachinara, inaquëranchin taꞌhuantopi.

2 Samuel 22:43

Amocan paꞌsarëso pochin inimicoroꞌsa canarahuë. Cachiquë chipiroꞌ iꞌnatërëso pochin inimicoroꞌsa nitërahuë.

Copo naporinso' 40:12

Tëmën mapachinara iꞌpoitopi. Co noyahuëꞌ nipisopita quëmarintaꞌ, iꞌpoitatë pochin anaꞌintëquëꞌ. Topinan niꞌsharapiranhuëꞌ, paira nohuaatërinso pochin niinaꞌ.

Salmos 91:13

Paꞌpiniroꞌsaꞌ, yaꞌhuanoꞌsaꞌ, panca maꞌsharoꞌsaꞌ, inapita huáncana noya paꞌsarëhuaꞌ.

Daniel 7:18

Inapita piquëransoꞌ, Yosë chini chiníquën nanantërinsoꞌ imapisopitari, huaꞌanëntapona huachi. Inapita huaꞌanëntohuachinaꞌ, co huachi onporonta aꞌnapitari huaꞌanëntopiso matarinhuëꞌ,’ itërinco.

Miqueas 5:8

Naporoꞌ aꞌnapitanta nisha nisha nacionquë yacapatapirinahuëꞌ, paꞌpiniꞌ pochin nicaponaꞌ. Yaꞌipi maꞌsharoꞌsa quëran paꞌpinisoꞌ, chini chiníquën ninin. Inapochachin inapitanta nicaponaꞌ. Paꞌpiniri ohuicaroꞌsa yaꞌcontaton, tiquirinso pochin co aꞌnaya tëranta nichaꞌëponahuëꞌ.

Malaquías 3:17

Inapita yonquiaton Sinioro tapon: “Inapitaso noya yonquirinaco niꞌton, noya nicato piyapinëhuëpita pochachin niantarahuë. Anaꞌintaꞌhuaso tahuëri nanihuachin, inapitaso noya noya nicato, nichaꞌësarahuë. Huiꞌnini noya natëhuachin, paꞌpini nosororinso pochachin inapitantaꞌ, nosoroarahuë.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.

Apocalipsis 14:20

Niꞌcoꞌ. Oparoꞌsaꞌ mapachinara, ninano aipiran quëparapi. Inaquë panca nanpiquë toꞌpoipi. Opaiꞌ pipihuachina, quëhuain ninin. Huënai pochin yaꞌnorin. Inapochachin anaꞌintohuachina, panca huënaiꞌ paꞌsarin, niꞌnahuë. Cara pasa quiromitro pochin pancaitërinsoꞌ. Cahuario motën yaꞌcari huarëꞌ anpotarin huachi.