Malaquías 3:7 - Chayahuita (Shahui)

⁷ Shimashonëmapita aꞌporinacoso pochachin canpitantaꞌ, nanamëhuë aꞌporamaꞌ. Ina anitotopiranquëmahuëꞌ, co yanatëramacohuëꞌ. Caso Sinioroco yaꞌipi nanitapato, shaꞌhuitaranquëmaꞌ: ‘Naquëranchin natëantaco. Inapohuatamaꞌ, carimanta catahuaantaranquëmaꞌ,’ itëranquëmaꞌ. Napotohuatënquëmara: ‘¿Maꞌta onpoatoi natëantaꞌinquën?’ toconamaꞌ.

Malaquías 3:7 ပူးပေါင်းရင်းမြစ်များ

Nehemías 9:26

Quëmarisoꞌ nosoropiranhuëꞌ, co natëtënënhuëꞌ anoꞌhuitërinën. Pënëntëransopita nocanatona aꞌpopi. Quëma marëꞌ pënëntopisopitanta tëpapi. Inapitari co noyahuëꞌ nipiso aꞌninquëchin shaꞌhuitopi: ‘Ina aꞌporahuatomaꞌ, Sinioroíchin tahuërëtocoꞌ,’ itopi. Napotopirinahuëꞌ, tëpapi. Inapoatona panca tëhuëtërinën.

Isaías 65:2

Co natantochináchinhuëꞌ cancantopisopita catahuacaꞌhuaso marëꞌ, nani tahuëri imirahuë ihuëtatë pochin nitërahuë. Inahuara nohuantopisoꞌ nicatona pëshonpirinahuëꞌ, inapotërahuë.

Jeremías 7:25

Shimashonëmapita Iquipito quëran ocoirahuë. Naporo quëran huarëꞌ pënëntonaꞌpiroꞌsa aꞌpatëranquëmaꞌ. Inapitasoꞌ natëtonaco naquëranchin naquëranchin pënëninquëmaꞌ.

Jeremías 7:26

Pënënpirinquëmahuëꞌ, co natëramahuëꞌ. Shimashonëmapita co natërinacohuëꞌ. Canpitaso napoaponahuëꞌ, aquë aquëtë co natëtëramahuëꞌ,” itërin.

Oseas 14:1

Israiroꞌsanpoaꞌ. Sinioroso Yosënënpoa niꞌton, ina chachin tahuërëtaantaꞌahuaꞌ. Naꞌcon oshahuanëhua niꞌton, Yosë aꞌporëhuaꞌ. Inapopirëhuahuëꞌ, huëco naquëranchin Sinioro chinotaantaꞌahuaꞌ. Ina nontatëhuaꞌ: “Yaꞌipi co noyahuëꞌ ninaisoꞌ inquitocoi. Ina quëran chinotohuatëinquën, noya niꞌcoi.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Malaquías 3:13

Naquëranchin Siniorori piyapinënpita nontaton: “Canpitaso israiroꞌsanquëmaꞌ, co noyahuëꞌ yonquirapitomaco pinoramaco. Napoapomarahuëꞌ, ‘¿maꞌta itatëinquën pinorainquënsoꞌ?’ itëramaco.

Mateo 23:27

Canpitasoꞌ nonpintënquëma niꞌton, ¡maꞌhuantacha nisarama paya! Yosë quiricanën aꞌchinpiramahuëꞌ, yanonpinamaꞌ. Niꞌcoꞌ. Chimipi naꞌpi naninquë poꞌmohuatëra, aipiran quëran huiríchinquë pashitërëꞌ. Noyápiachin yaꞌnopirinhuëꞌ, acoposoꞌ nansë, nosha chanatërinsoꞌ, inapita co nishinahuënꞌ nisarin.

Lucas 15:16

Inaquë paaton, coshiroꞌsaꞌ aꞌcararin. Tanaton, coshi caꞌninsoꞌ tërantaꞌ nayapirinhuëꞌ, co incari quëtërinhuëꞌ.

Romanos 10:21

Israiroꞌsaso nipirinhuëꞌ co yanatëpihuëꞌ. Inapita yonquiaton, Isaiasë quëran taantarin: “Iráca quëran huarëꞌ yacatahuarahuë. Imirahuë ihuëtatë pochin nitato: ‘Huëcoꞌ catahuainquëmaꞌ,’ itopirahuëꞌ, co yanatërinacohuëꞌ. Co natantochináchinhuëꞌ cancantopi, tënin Yosë,” itërin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

Deuteronomio 31:20

Iráca shimashonënapita, shaꞌhuitërahuë: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Napotërahuëso chachin, inaquë ayaꞌcoanahuë. Inaquëso co manta pahuaninhuë niꞌton, inaquë yaꞌconatonaꞌ, natëaquë huarëꞌ coshataponaꞌ. Coshatatona amonpachinaꞌ, nisha nisha mamanshiroꞌsa tahuërëtaponaꞌ. Inapoatona nocanaponaco. Napoatona inapitaroꞌco anoyatërahuësoꞌ, tapiaponaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.