Malaquías 3:17 - Chayahuita (Shahui)

¹⁷ Inapita yonquiaton Sinioro tapon: “Inapitaso noya yonquirinaco niꞌton, noya nicato piyapinëhuëpita pochachin niantarahuë. Anaꞌintaꞌhuaso tahuëri nanihuachin, inapitaso noya noya nicato, nichaꞌësarahuë. Huiꞌnini noya natëhuachin, paꞌpini nosororinso pochachin inapitantaꞌ, nosoroarahuë.

Malaquías 3:17 ပူးပေါင်းရင်းမြစ်များ

Salmos 115:13

Ina noya nicatona natëpisopitantaꞌ, catahuararin. Huaꞌanoꞌsaꞌ, topinan piyapiꞌsaꞌ, inapitanta imapachinaꞌ, catahuararin.

Éxodo 19:5

Yaꞌipi isoroꞌpaquë nisha nisha piyapiꞌsa cari huaꞌanëntërahuë. Napoaton canpitasoꞌ, yaꞌipi camaitërahuëso natëcoꞌ. Maꞌsona taꞌtëhua canpitarëꞌco anoyatërahuësonta coꞌsoꞌ naniantohuatamahuëꞌ, noya niꞌsaranquëmaꞌ. Aꞌnapita piyapiroꞌsa quëran, noya noya niꞌsaranquëmaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 43:21

Piyapinëhuëpitasoꞌ, chinotiinacoso marëꞌ cari acorahuë.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Malaquías 4:3

Anaꞌintaꞌhuaso tahuëri nanihuachin, canpitaso piyapinëhuëpitanquëma nicatomaꞌ, co noyahuëꞌ nipisopita minsëaramaꞌ. Nonëna huiquitërinso yanonën, toꞌpi toꞌpitapomaꞌ,’ itëranquëmaꞌ,” tënin.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Juan 17:24

Quëma nohuanton Tata, isopitasoꞌ imasarinaco. Inapita nohuantërahuë carëꞌ yaꞌhuëcaisoꞌ. Iráca quëran huarëꞌ quëma nosororanco. Coꞌhuara isoroꞌpaꞌ yaꞌhuëyátërasohuëꞌ, nosoroatonco, nóya acoranco. Inatohuaꞌ inapitantaꞌ pantahuachinaꞌ, noya noya niꞌsarinaco. Ina naꞌcon nohuantërahuë.

Romanos 8:32

Yosë chachin nosoroatonpoaꞌ co huiꞌnin tërantaꞌ apiratërinpoahuëꞌ. Isoroꞌpaquë aꞌpaimarin chiminacaso marëꞌ. Canpoa marëꞌ chiminin. Ipora chachintaꞌ nosoroatonpoaꞌ, catahuarinpoaꞌ. ¡Quisocristo imarëhuaꞌ niꞌton, co mantaꞌ pahuantarinpoahuëꞌ Yosë pochin cancantacaso marëꞌ! Nóya nichaꞌësarinpoaꞌ.

1 Corintios 15:23

Co napopináchin nanpiantarihuahuëꞌ. Quisocristoꞌton nanpiantarin. Aꞌna tahuëri oꞌmantahuachin, imarëhuasopitantaꞌ ananpitaantarinpoaꞌ.

1 Corintios 6:20

Quisocristo chiníquën parisitaton, chiminin nichaꞌëinpoaso marëꞌ. Nichaꞌërinpoaꞌ niꞌton, yaꞌipi nonënpoa quëran huarëꞌ huaꞌanëntinpoasoꞌ yaꞌhuërin. Napoaton noyasáchin nicoꞌ aꞌnapitantaꞌ nicatënënquëmaꞌ Yosë chinochinaꞌ.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Gálatas 5:24

Quisocristo corosëquë chiminaton, oshanënpoaꞌ inquitërinpoaꞌ. Napoaton canpoantaꞌ ina imapatëhuaꞌ, co noyahuëꞌ yonquirëhuasopita corosëquë patanantatë pochin nitatëhuaꞌ, naniantacasoꞌ yaꞌhuërin. Co huachi nohuantarihuahuëꞌ sopai pochin cancantacasoꞌ.

Deuteronomio 7:6

Canpitaso nipirinhuëꞌ, Sinioroíchin chinotamaso marëꞌ nani acorinquëmaꞌ. Naꞌa nacionoꞌsa isoroꞌpaquë yaꞌhuëpirinhuëꞌ, canpitasoꞌ, ina piyapinënpita nicamaso marëꞌ huayoninquëmaꞌ,” itërin Moisësëri.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.