Malaquías 3:13 - Chayahuita (Shahui)

¹³ Naquëranchin Siniorori piyapinënpita nontaton: “Canpitaso israiroꞌsanquëmaꞌ, co noyahuëꞌ yonquirapitomaco pinoramaco. Napoapomarahuëꞌ, ‘¿maꞌta itatëinquën pinorainquënsoꞌ?’ itëramaco.

Malaquías 3:13 ပူးပေါင်းရင်းမြစ်များ

Copo naporinso' 40:8

‘Siniorosoꞌ topinan quëran anaꞌintatonco tëhuërin,’ tënan. Napoaton quëmasoꞌ, co manta tëhuëransohuë pochin yaꞌnoran.

Éxodo 5:2

Napotopirinahuëꞌ: —¿Ma Siniorocha inaso nicaya? ¿Ina canta natëi topiramahuë ti? ¡Co caso canpita Sinioro chinotëramaso nohuitërahuëꞌ! ¡Naporahuaton co onporonta aꞌpaꞌhuanquëmaso yaꞌhuërinhuëꞌ! itërin copirnori.

Isaías 46:12

Canpitasoꞌ, co natantochináchinhuëꞌ cancantëramaꞌ. Napoapomarahuëꞌ, noya natancoꞌ. Canpitaso naporamaꞌ: ‘Co nimara aꞌnaroáchin Yosë nichaꞌësarinpoahuëꞌ,’ tënamaꞌ. Napopiramahuëꞌ, co huaꞌquiya quëranhuëꞌ, nichaꞌëcaꞌhuanquëmaso marëꞌ maꞌsha nisarahuë. Co huaꞌquiya quëranhuëꞌ, nichaꞌësaranquëmaꞌ. Quirosarinquë yaꞌhuëpisopita cari nichaꞌësarahuë. Yaꞌipi Cota huëntonquë yaꞌhuëpisopitantaꞌ, napotarahuë. Israiro noꞌpaquë yaꞌhuëpisopita noya noya yaꞌnorahuësoꞌ, aꞌnotarahuë,” tënin.

Ezequiel 18:25

Napohuatora canpitasoꞌ: ‘Siniorosoꞌ, co noyahuëꞌ nisarin,’ tëcapoma aꞌna nimara. Napopiramahuëꞌ, ¡canpita mini tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Malaquías 2:17

Naquëranchin Sinioro shaꞌhuitaantarinquëmaꞌ: “Nonamaso natanatënquëmaꞌ, amiranquëma huachi,” tënin. Napoaponahuë canpitasoꞌ: “¿Maꞌta tënaisoꞌ natanaton Sinioro amirincoi?” toconamaꞌ. Napohuatamara, Sinioroso naporin: “Canpitaso nonpatamara: ‘Co noyahuëꞌ nipisopitantaꞌ, Yosëriso noya niꞌnin. Inapitanta yonquiaton noya cancantërin,’ tënamaꞌ. Napoatoma canpitasoꞌ, noyasáchin ninahuëso co natëramacohuëꞌ,” tënin.

Malaquías 3:12

Paꞌpi noyápiachin yaꞌhuarama niꞌton, yaiꞌpi nacionquë yaꞌhuëpisopita, paꞌyatatënëmaꞌ: “¡Ma noyacha inapitaso yaꞌhuëpi paya!” tëcaponaꞌ.’ Ca Sinioroco yaꞌipi nanitapato, napotaranquëmaꞌ,” itërinquëmaꞌ.

Malaquías 3:14

Naporamaꞌ: ‘Topinan quëran Yosë imarai. Noya natëpiraihuëꞌ, co manta canaraihuëꞌ. Co noyahuëꞌ ninëhuaso aꞌpocaso marëꞌ Yosë chinotohuatëhuara, sëtohuachinara aꞌmopiso aꞌmorëhuaꞌ. Ina pochin aꞌmotëhua canpoantaꞌ, Yosë chinotopirëhuahuëꞌ, topinan quëran napoarëhuaꞌ.

Malaquías 3:8

Naporama niꞌton, carimanta ayonquiꞌinquëmaꞌ: ‘¡Caso Yosëco niꞌto, co onporonta ihuamacoso yaꞌhuërinhuëꞌ! ¡Canpitaso napoaponahuëꞌ, ihuaramaco!’ Napoapomarahuëꞌ, ‘¿maꞌta onpoatoi ihuarainquënsoꞌ?’ itaantaramaco. ‘Diesmoroꞌsa co quëtatomacohuëꞌ, ihuaramaco. Maꞌpitaso quëtamacoso nininsontaꞌ, co quëtatomacohuëꞌ naporamaꞌ.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.