Malaquías 3:12 - Chayahuita (Shahui)

¹² Paꞌpi noyápiachin yaꞌhuarama niꞌton, yaiꞌpi nacionquë yaꞌhuëpisopita, paꞌyatatënëmaꞌ: “¡Ma noyacha inapitaso yaꞌhuëpi paya!” tëcaponaꞌ.’ Ca Sinioroco yaꞌipi nanitapato, napotaranquëmaꞌ,” itërinquëmaꞌ.

Malaquías 3:12 ပူးပေါင်းရင်းမြစ်များ

Salmos 72:17

Noya copirno niꞌton, yaꞌipi parti noya nahuiꞌin. Piꞌi yaꞌhuërárinso pochin inantaꞌ, yonquiraꞌinaꞌ. Insosona noya yaꞌhuëcaso marëꞌ yashaꞌhuihuachin iꞌna yonquiaton shaꞌhuiꞌin. Yaꞌipi nacionoꞌsaquë yaꞌhuëpisopitari ina paꞌyachinaꞌ.

Isaías 61:9

Inahua quëran pipipisopitasoꞌ, nisha nisha nacionquë nahuinaponaꞌ. Yaꞌipi niꞌpisopitari: ‘Tëhuënchachin isopitasoꞌ Siniorori catahuarin,’ taponaꞌ,” tënin.

Malaquías 3:13

Naquëranchin Siniorori piyapinënpita nontaton: “Canpitaso israiroꞌsanquëmaꞌ, co noyahuëꞌ yonquirapitomaco pinoramaco. Napoapomarahuëꞌ, ‘¿maꞌta itatëinquën pinorainquënsoꞌ?’ itëramaco.

Lucas 1:48

Topinan piyapico nipirahuëꞌ, yonquirinco. Ipora quëran huarëꞌ naꞌa piyapiꞌsaꞌ nohuitarinaco. ‘Ma noyacha Yosëri catahuarin paya,’ tosapi.