Malaquías 3:1 - Chayahuita (Shahui)

¹ Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Malaquías 3:1 ပူးပေါင်းရင်းမြစ်များ

Salmos 110:1

Yosëri Sinioronëhuë shaꞌhuitërin: “Inchinanëhuë quëran huënsëquëꞌ. Inimiconënpita carinquën minsëchinquën,” itërin.

Isaías 40:10

Chiníquën nanantaton oꞌmararin. Yaꞌipi minsërahuaton, piyapinënpita isëquë chachin quëantarin. Nisharoꞌsari huaꞌanëntopirinahuëꞌ, inapita quëran nichaꞌërin.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.

Malaquías 2:4

Iráca shimashonëma Nihui itopisoroꞌco anoyatërahuë. Canpita corto huaꞌanoꞌsanquëma nicacamaso marëꞌ anoyatërahuë. Inaroꞌco anoyatërahuëso ama nishatacaso marëhuëꞌ, ipora pënënaranquëma nisahuasoꞌ. Ca Sinioroco yaipi nanitapato shaꞌhuitaranquëmaꞌ.

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Malaquías 4:5

Niꞌcoꞌ. Anaꞌintaꞌhuaso tahuëri nanihuachin, paꞌpi huëhuëpiro nisarin. Coꞌhuara ina tahuëri naniátërasohuëꞌ, Iniasë pënëntonaꞌpi aꞌpataranquëmaꞌ.

Mateo 11:14

Napopiso chachin Coansha pënëntarin huachi. Iniasë pochin cancantaton, pënëntarin, tënahuë. Nohuantohuatamaꞌ, natëcoꞌ.

Lucas 1:76

Quëmantaꞌ, conpa, Yosë aꞌpaarinquën piyapinënpita pënënacaso marëꞌ. Sinioro isoroꞌpaquë yaoꞌmarin niꞌton, pënëntaran piyapiꞌsari natëcaiso marëꞌ.

Lucas 19:47

Ina quëran nani tahuëri inaquë aꞌchinin. Corto huaꞌanoꞌsaꞌ, cotio maistroꞌsa, ninanoꞌ huaꞌanoꞌsaꞌ, inapitasoꞌ noꞌhuitonaꞌ, Quisoso yatëpapirinahuëꞌ.

Lucas 2:11

Ipora tashiꞌ aꞌnara quëmapiaꞌhuaya Pirinquë nasitërin. Inasoꞌ Cristo, Yosëri aꞌpaimarinsoꞌ. Sinioro niꞌton, chinotacasoꞌ yaꞌhuërin. Nani oꞌmarin piyapiꞌsaꞌ cancanënaꞌ anoyatacaso marëꞌ.

Lucas 2:38

Naporoꞌ inantaꞌ huëcaton, Quisosoaꞌhuaya niꞌnin. Noya cancantaton, Yosë nontërin. —Iso huaꞌhuasha nasitërinso marëꞌ: “Yosparinquën Sinioro,” itëranquën, tënin. Ina quëran Yosë imapisopita shaꞌhuitërin. —Yosë nohuanton, aꞌpaimarinsoꞌ nani nasitërin. Inasoꞌ nichaꞌësarinpoaꞌ, itërin. Naꞌa Quirosarinquë yaꞌhuëpisopita ina ninarapi niꞌton, napotërin.

Lucas 2:46

Cara tahuëri quëran Yosë chinotopiso pëiquë quënanpi huachi. Maistroꞌsaꞌ aꞌchinpiquë huënsërahuaton, aꞌchinpisoꞌ natanarin. Natanahuaton, natantaantarin antaꞌ.

Hechos 19:4

—Coanshaso pënëntërin co noyahuëꞌ yonquipisopita naniantacaiso marëꞌ. Ina quëran aporintërin. Nipirinhuëꞌ, co inasáchin shaꞌhuirinhuëꞌ. “Ca piquëran aꞌna quëmapi huëꞌsarin, Yosëri aꞌpaimarinsoꞌ. Ina imacoꞌ,” itërin antaꞌ. Napoaton Quisoso imacoꞌ, itërin Paonori.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.