Malaquías 2:8 - Chayahuita (Shahui)

⁸ Canpitaso corto huaꞌanoꞌsanquëma nipomarahuëꞌ, noya ninamaso aꞌporamaꞌ. Nonpi nanan aꞌchinatomaꞌ, naꞌa piyapiꞌsa apëshonamaꞌ. Inapoatoma Nihuiroꞌco anoyatërahuësoꞌ tapiramaꞌ.

Malaquías 2:8 ပူးပေါင်းရင်းမြစ်များ

Salmos 119:102

Quëmachachin aꞌchintaranco niꞌton, shaꞌhuiransopita co naniantarahuëꞌ.

Jeremías 18:15

Piyapinëhuëpitaso nipirinhuëꞌ, naniantërinaco. Nisha nisha mamanshiroꞌsa moshacaiso marëꞌ yonarin pochin nininsoꞌ aꞌpëpi. Iráca pënëntërahuësopita aꞌpopi niꞌton, chihuëatona nisha ira paꞌtopiso pochin nipi.

Jeremías 2:8

Corto huaꞌanoꞌsa co yonirinacohuëꞌ. Piyapinëhuëpita aꞌchinaꞌpiroꞌsantaꞌ, co nohuitërinacohuëꞌ. Huaꞌanënapita co yanatërinacohuëꞌ. Pënëntonaꞌpiroꞌsanta Paaro marëꞌ pënëntonpi. Mamanshiroꞌsa co máquënhuë nipirinhuëꞌ, inapita imapi.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Malaquías 2:5

Nihuiroꞌco anoyatërahuësoꞌ, noya yaꞌhuëcaso marëꞌ naꞌcon catahuarin. Naporahuaton noya aꞌpairahuë niꞌton, sano cancantërin. Tëꞌhuatatonco natëincoso marëꞌ ina pochin catahuarahuë. Inasoꞌ, tëhuënchachin tëꞌhuatatonco natërinco.

Romanos 14:21

Ama mantaꞌ aꞌnapita anishacancantacamasoꞌ yonquicosohuëꞌ. Caꞌnamaso marëꞌ, oꞌoramaso marëꞌ, ama inapita marëꞌ aꞌnapita anishacancantocosohuëꞌ. Iyaparin pochin nosoroatomaꞌ, catahuacoꞌ noya noya imacaiso marëꞌ.

Hebreos 3:12

Canpitantaꞌ iyaroꞌsaꞌ aꞌnayanquëma tërantaꞌ co cancanëma quëran huarëꞌ natëhuatamahuëꞌ, co noya cancantaramahuëꞌ. Niꞌcona Yosë chachin aꞌpotamaꞌ. Inasoꞌ, iporahuantaꞌ nanpiton niꞌsárinpoaꞌ.

1 Samuel 2:17

Inapoatona ina huiꞌnapiꞌsasoꞌ, co Sinioro tëꞌhuatatonaraihuëꞌ panca oshahuanapi. Ina chinotacaiso marëꞌ maꞌsha tëpapisopita nocanatë pochin nitopi.

1 Samuel 2:24

Aꞌnapita israiroꞌsa canpita naporamasoꞌ shaꞌhuitërinaco niꞌton: ‘Tëhuënchachin paꞌpi co noyahuëꞌ nisaramaꞌ,’ tënahuë. Ama conparoꞌsa ninonpintocosohuëꞌ.

1 Samuel 2:30

Napoaton Sinioro israiroꞌsanpoa chinotërëhuaso naporin: ‘Nani yonquipirahuë piyapinëhuënquën nisápamasoꞌ. Quëmá quëran pipipisopitantaꞌ, inapoꞌina topirahuë. Iporaso nipirinhuëꞌ shaꞌhuitaranquën: Co onporo napocamaso yaꞌhuërinhuëꞌ. Noya niꞌninacosopita tëhuënchinsoꞌ, carinta noya niꞌsarahuë. Nocaninacopitaso nipirinhuëꞌ, atapamiatarahuëꞌ. Ca Sinioroco napotaranquëmaꞌ.