Malaquías 2:6 - Chayahuita (Shahui)

⁶ Nisahuaton, nanamëhuë noꞌtëquënáchin piyapiꞌsa aꞌchintërin. Noyápiachin cancantaton noyasáchin nonin. Carëꞌco noya nipayaton, sano cancantërin. Inapochin cancantaton aꞌchininso marëꞌ naꞌcon piyapiꞌsa co noyahuëꞌ nipisoꞌ, aꞌpopi.

Malaquías 2:6 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Salmos 119:142

Quëmasoꞌ noya coisë pochinquën, noꞌtëquënáchin shaꞌhuiran. Aꞌchinansopitantaꞌ, noꞌtëquënáchin aꞌchinan.

Salmos 37:30

Noya nipisopitasoꞌ, yonquínahuan nonpi. Noya coisë pochin noꞌtëquën nonpi.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

Jeremías 23:22

Tëhuënchachin piyapinëhuëpita nipi naporini, imarinacosopita nanamëhuë anitochitonahuëꞌ. Piyapinëhuëpitanta ina nitotatonaꞌ: ‘Tëhuënchachin co noyahuëꞌ ninëhuaꞌ. Huëco paꞌahua ina aꞌporahuatëhuaꞌ, Sinioro natëahuaꞌ,’ niichitonahuëꞌ.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Mateo 22:16

Napoaton aꞌnaquën aꞌpapi Quisoso natanacaiso marëꞌ. Irotisë paꞌyatopisopitantaꞌ caraya paꞌpi. Canconahuatonaꞌ, noyásha nontonpi nonpintacaiso marëꞌ. —Quëmasoꞌ Maistro, noyanquën. Co onporontaꞌ nonpinanhuëꞌ. Yosë pënëninpoasoꞌ noꞌtëquën aꞌchintërancoi. Piyapiꞌsaꞌ noꞌhuipirinënquëontaꞌ, co ina yonquiranhuëꞌ. Co huaꞌan tërantaꞌ tëꞌhuatëranhuëꞌ.

Marcos 12:14

Canconahuatonaꞌ, noyásha nontonpi nonpintacaiso marëꞌ. —Noꞌtëquën Maistro nontërancoi. Co piyapiꞌsaꞌ paꞌyatiinënquënso marëꞌ aꞌchinanhuëꞌ. Co huaꞌan tërantaꞌ tëꞌhuatëranhuëꞌ. Yosë nohuantërinsoꞌ noꞌtëquën aꞌchintërancoi. Napoaton yanatanainquën. Noma copirno nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Coriqui maꞌpainpoaso marëꞌ comisionën aꞌparin. Huëꞌpachin, ¿noya ipora quëtacasoꞌ ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 20:21

Itohuachinara, paꞌpi Quisoso nontaponaꞌ: —Ma noya Maistro nontërancoi. Noꞌtëquën aꞌchinan. Yosë nanamën noꞌtëquën aꞌchintatoncoi, co huaꞌan tërantaꞌ tëꞌhuatëranhuëꞌ.

Hechos 26:18

Nisha piyapiꞌsantaꞌ aꞌchintëquëꞌ nanamëhuë nitochinaꞌ. Somaraya pochin cancantatonaꞌ, co nohuitërinacohuëꞌ. Nanamëhuë aꞌchintohuatan, nohuitarinaco. Iporasoꞌ tashi pochin cancantopi. Nohuitohuachinaco, tahuëri pochin cancantapi. Iporasoꞌ sopai huaꞌani camaihuachina, natëpi. Aꞌna tahuërisoꞌ Yosë natërapi. Natëtonaco, imapachinaco, oshanënaꞌ Yosëri inquitarin. Yaꞌipi natërinacosopita nasha cancan quëtarahuë. Yosë piyapinënpita chachin nisapi,’ itërinco.

Deuteronomio 33:10

Inahua mini israiroꞌsa aꞌchintapi. Pënëntëransopita, aꞌchinansopita, inapita aꞌchintapi. Chinotëranquënso pëi artaroꞌsaquë, yonarin pochin pimóchin aꞌpëpi. Maꞌsharoꞌsanta quëma marëꞌ tëpapisoꞌ, ahuiquitapi.

Deuteronomio 33:8

Nihui huënton israiroꞌsanta yonquiaton, tapon: “Orin, Tomin, inapitaso quëmaquën ninin Sinioro. Quëmari corto huaꞌanoꞌsa quëtëran. Inahuasoꞌ, quëmasáchin cancantërinën. Masa, itopiquë tënirahuaton, Miripa iꞌsha itopiquë chiníquën pënënan. Inaquë chachin piyapinënpita marëꞌ, iꞌsha naꞌpi quëran ocoitëran.

Deuteronomio 33:9

Inahuasoꞌ, camaitëranso natëpi. Israiroꞌsarëꞌquën anoyatëranso imamiatapi. Quëmopinëna quëran, ina naꞌcon naꞌcon cancantopi. Ina marëꞌ paꞌpinaꞌ, aꞌshinaꞌ, inapita niponaraihuëꞌ: ‘Coꞌchi onporonta niꞌnaihuë paya,’ itopi. Iinaꞌ, oshinaꞌ, inapitantaꞌ, ‘Coꞌchi nohuitëraihuëꞌ paya,’ itopi. Huiꞌnina tëranta nisapirinhuëꞌ: ‘Ahuën, inpitaso nimara,’ itopi.

Apocalipsis 14:5

Co piꞌpisha tërantaꞌ nonpinpihuëꞌ. Noyápiachin cancantapi.

1 Samuel 2:12

Iri huiꞌninpitasoꞌ, co noyahuëꞌ cancantopi. Napoatonaꞌ, co Sinioro tëranta tëꞌhuatatonaraihuëꞌ, co noyahuëꞌ nisápi.