Malaquías 2:17 - Chayahuita (Shahui)

¹⁷ Naquëranchin Sinioro shaꞌhuitaantarinquëmaꞌ: “Nonamaso natanatënquëmaꞌ, amiranquëma huachi,” tënin. Napoaponahuë canpitasoꞌ: “¿Maꞌta tënaisoꞌ natanaton Sinioro amirincoi?” toconamaꞌ. Napohuatamara, Sinioroso naporin: “Canpitaso nonpatamara: ‘Co noyahuëꞌ nipisopitantaꞌ, Yosëriso noya niꞌnin. Inapitanta yonquiaton noya cancantërin,’ tënamaꞌ. Napoatoma canpitasoꞌ, noyasáchin ninahuëso co natëramacohuëꞌ,” tënin.

Malaquías 2:17 ပူးပေါင်းရင်းမြစ်များ

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Isaías 43:22

Israiroꞌsanquëmaꞌ. Canpitaso Cacopo shinpitanquëma nipomarahuëꞌ, co chinotëramacohuëꞌ. Amitomaco tëhuënchinsoꞌ, aꞌporamaco.

Isaías 43:24

Co pimo nashinan paꞌanahuatomaꞌ, quëshiamacosoꞌ natananquëmahuëꞌ. Noya nicaꞌhuanquëmaso marëꞌ co maꞌsharoꞌsa tëpatoma tomaquën ahuiquitamaso tërantaꞌ, natananquëmahuëꞌ. Co noyahuëꞌ nicatoma oshahuanamaso tëhuënchinsoꞌ, amiaquë huarëꞌ niꞌnahuë.

Isaías 7:13

Naporoꞌ Isaiasëso taantapon: “Tapi copirno shinpitanquëma huaꞌan yaꞌconamasoꞌ, noya natancoꞌ. Canpitaso piyapiꞌsa maꞌsha onpotatomaꞌ, apinamaꞌ. ‘Co ina nanirinhuëꞌ,’ tënëso pochin cancantatomaꞌ, ¿Yosë chachinta yaapinamaꞌ ti?

Jeremías 15:6

Canpitaso aꞌporahuatomaco, co huachi tahuërëtëramacohuëꞌ. Ca Sinioroco napotaranquëmaꞌ. Noya yonquiantamacoso marëꞌ ninarápiranquëmahuëꞌ, amirahuë. Napoaton anaꞌintatënquëma ataꞌhuantaranquëma huachi.

Ezequiel 18:25

Napohuatora canpitasoꞌ: ‘Siniorosoꞌ, co noyahuëꞌ nisarin,’ tëcapoma aꞌna nimara. Napopiramahuëꞌ, ¡canpita mini tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Amós 2:13

Naporamaso marëꞌ mini, toronanquë naꞌa trico aꞌmitëtopinan paꞌpachina, noꞌpaꞌ niꞌpirinso pochin canpitanta nitaranquëmaꞌ.

Malaquías 3:8

Naporama niꞌton, carimanta ayonquiꞌinquëmaꞌ: ‘¡Caso Yosëco niꞌto, co onporonta ihuamacoso yaꞌhuërinhuëꞌ! ¡Canpitaso napoaponahuëꞌ, ihuaramaco!’ Napoapomarahuëꞌ, ‘¿maꞌta onpoatoi ihuarainquënsoꞌ?’ itaantaramaco. ‘Diesmoroꞌsa co quëtatomacohuëꞌ, ihuaramaco. Maꞌpitaso quëtamacoso nininsontaꞌ, co quëtatomacohuëꞌ naporamaꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

1 Samuel 2:3

Ama inso tëranta nocanchinsohuëꞌ. Ama aquëtëꞌ: ‘Ca tëhuënchinsoꞌ,’ chinasohuëꞌ. Siniorosoꞌ Yosë niꞌton, yaꞌipi naporëhuaso nitotërin. Pëꞌtënatë quiro nitotërëso pochin, naporëhuaso nitotaton, noꞌtëquën shaꞌhuitarinpoaꞌ.