Malaquías 2:12 - Chayahuita (Shahui)

^12-14 Inapoapomarahuë canpitasoꞌ: “¿Onpoatoncha Siniorosoꞌ maꞌsha ina marëꞌ quëshipirëhuahuëꞌ, co noya cancantaton maꞌparinpoahuëꞌ?” toconamaꞌ. ¡Maꞌchaꞌ naporamasopita yaꞌhuërëhua quëran, Sinioro yaꞌipi nanitapaton ataꞌhuantërinquëmahuë paya! Ina quëtacaso marëꞌ maꞌsha quëshipiramahuëꞌ, artaronënquë naꞌnëmiatopiramahuëꞌ, inapotërinquëma naporini, noya niitonhuëꞌ. Yaꞌipi naporamasoꞌ, nani Sinioro niꞌninquëmaꞌ. Huiꞌnapitasëma sanapi macacaso marëꞌ anoyatëramaꞌ: “Chiminaquë huarëꞌ aꞌpoaranquën,” itëramaꞌ. Napopiramahuëꞌ, saꞌama tëꞌyatatatoma aꞌna manamaꞌ.

Malaquías 2:12 ပူးပေါင်းရင်းမြစ်များ

Isaías 61:8

Ina quëran Sinioro taantarin: “Noꞌtëquënáchin nipisopita nosororahuë. Ihuatopisoꞌ, aꞌnaratipita nicatona tëpatopisoꞌ, inapitaso co quëꞌyarahuëꞌ. Ina pochinco niꞌto piyapinëhuëpitasoꞌ, noꞌtëquënáchin acanapo. Inapitarëꞌco anoyatohuato, anoyatërahuëso yaꞌhuëmiatapon.

Isaías 66:3

(-)

Amós 5:22

Noya nicatomaco maꞌsha tëpatoma yaꞌipi ahuiquitopiramahuëꞌ, carisoꞌ co niꞌcaꞌhuaso tërantaꞌ, nohuantërahuëꞌ. Trico, sipata, inapitanta quëshihuatamacora co nohuantërahuëꞌ. Toroaꞌhuaroꞌsa amoshin nipisopita nanan anoyatërëhuaso marëꞌ tëparamasontaꞌ, co nohuantarahuëꞌ.

Malaquías 1:10

Inquëma tërantaꞌ, chinotëramacoso pëi yaꞌcoananën oncoatoma noyá patanantërama naporini, noya niitonhuëꞌ. Co huachi insonta yaꞌconaton, artaronëhuëquë topinan quëran aꞌpëchitonhuëꞌ. Co noyahuëꞌ ninama niꞌton, carimanta co noya niꞌnanquëmahuëꞌ. Maꞌsha quëshiramacosopitantaꞌ, co huachi maꞌpaponquëmahuëꞌ.

Malaquías 1:13

Canpitaso nonpatamara, napomantaramaꞌ: ‘Maꞌcháchinta Yosë marëꞌ sacatatëhua poꞌsárëhuasoꞌ,’ tënamaꞌ. Napoatoma nocanamaco. Ihuatëramasohuë nipon, ohuaca sonpachahuë nipon, caniaꞌpihuë nipon, quëshitomaco chinotamacoso marëꞌ aꞌnotohuatamacora: ‘Noya ipora ina marëꞌ Sinioro cancantërin,’ toconamaꞌ.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Números 24:5

Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

2 Timoteo 3:13

Co noyahuëꞌ nipisopita, nonpintëroꞌsaꞌ, inapitasoꞌ aquë aquëtëꞌ co noyahuëꞌ nisapi. Naꞌcon piyapiꞌsa nonpintopi quëran, aꞌnapitarintaꞌ nonpintapi.

Apocalipsis 19:20

Quira nipachinara, huiri cahuario aipi huënsërinsoari canarin. Canarahuaton, maꞌsha paꞌpi tëꞌhuatoroꞌ nininsoꞌ masarin. Nonpin nanan pënëntonaꞌpintaꞌ, masarin. Inasoꞌ, sacaiꞌ nininsoꞌ nicaton, notohuaroꞌ piyapiꞌsaꞌ nonpintërin maꞌsha paꞌpi tëꞌhuatoroꞌ nininsoꞌ imacaiso marëꞌ. Marcanën niacotahuatonaꞌ, mamanshinën moshapirinahuëꞌ, minsëarin huachi. Minsërahuaton, cato chachin masahuaton, anaꞌintomiatarin. Nanpirapirinahuëꞌ, parisitopiquë tëꞌyatarin huachi. Inaquë panca sono shaꞌpimoꞌshirë chachin pën tënëntápon. Co onporontaꞌ pipiapihuëꞌ.

1 Samuel 3:14

Napoaton: “Caso Yosëco niꞌto, Iri huiꞌninpitarë chachin co noyahuëꞌ nicatona oshahuanpisoꞌ, co onporonta inquitarahuëꞌ. Onponta oshanëna marëꞌ maꞌsha tëpapirinahuëntaꞌ, co inquitarahuëꞌ. Maꞌpitaso quëshihuachinacontaꞌ, co inquitarahuëꞌ,” itërin.