Malaquías 1:9 - Chayahuita (Shahui)

⁹ Corto huaꞌanoꞌsanquëmaꞌ. Nosoroatënquëma catahuaꞌhuanquëmaso marëꞌ nontoco. Ina marëꞌ canpitaso yaꞌhuërama nipirinhuëꞌ. Ina pochin maꞌsha nininsopita aꞌnotëramaco. Ina pochin nipatamaꞌ, co carimanta noya nicaꞌhuanquëmaso yaꞌhuërinhuëꞌ. Caso Sinioroco yaꞌipi nanitapato shaꞌhuitaranquëmaꞌ:

Malaquías 1:9 ပူးပေါင်းရင်းမြစ်များ

Éxodo 32:11

Moisësëso napoaponahuëꞌ, noyasha nontaton Sinioro itapon: —Ama Sinioro napotëquësohuëꞌ, chiníquën nanantaton nani Iquipito quëran israiroꞌsa ocoiran.

Jeremías 26:19

Miquiasëso napopirinhuëꞌ, yaꞌipi Cota huënton israiroꞌsaꞌ, Isiquiasë copirno, inapitariso co tëpapihuëꞌ. Copirno quëran huarëꞌ Sinioro tëꞌhuataton nosorocaiso marëꞌ nontërin. Napohuachina ataꞌhuantacaso shaꞌhuitaponahuëꞌ, co huachi inapotërinhuëꞌ. Irimiasë tëpahuatëhuasoꞌ, ¡naꞌcon naꞌcon naꞌinarihuaꞌ!” itopi.

Joel 2:12

Sinioroso nipirinhuëꞌ, tapon: “Yaꞌipi cancanëma quëran casáchin chinotoco. Ayono nicatoma chiníquën nontoco. Oshanëma yonquiatoma naꞌnëcoꞌ,” tënin.

Joel 2:17

Sinioro marëꞌ sacatopisoꞌ corto huaꞌanoꞌsantaꞌ, naꞌnëinaꞌ. Yosë pëinën ishpanamën notënanquë artaro yaꞌhuërinsoꞌ, co aquëyahuëꞌ. Ina huáncana huanirahuatonaꞌ, piyapiꞌsa marëꞌ Sinioro nonchinaꞌ: “Piyapinënpita Sinioro tëhuëtatënën oshahuanpisoꞌ, inquitëquëꞌ. Piyapinënpitacoi nipiraihuëꞌ co catahuahuatancoihuëꞌ, aꞌnapitaso tëhuaponacoi. Ama aꞌnapita nacionoꞌsa canarahuatonacoi, huaꞌanënchinacoisohuëꞌ. Inapitaso co chinotopirinënhuëꞌ, canarahuatonacoi: ‘¿Inata nipachin israiroꞌsa Yosënënari catahuarinhuëꞌ?’ tosapi,” ichinaꞌ.

Amós 5:22

Noya nicatomaco maꞌsha tëpatoma yaꞌipi ahuiquitopiramahuëꞌ, carisoꞌ co niꞌcaꞌhuaso tërantaꞌ, nohuantërahuëꞌ. Trico, sipata, inapitanta quëshihuatamacora co nohuantërahuëꞌ. Toroaꞌhuaroꞌsa amoshin nipisopita nanan anoyatërëhuaso marëꞌ tëparamasontaꞌ, co nohuantarahuëꞌ.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

Romanos 2:11

Yosësoꞌ yaꞌipinpoaꞌ napopianachin niꞌninpoaꞌ.

1 Pedro 1:17

Yosë nontohuatamara, “Tata,” itëramaꞌ. Aꞌna tahuëri inasoꞌ coisë pochin niꞌton, yaꞌipi piyapiꞌsaꞌ noꞌtëquën shaꞌhuitarin. Co noyahuëꞌ nipisopita noꞌtëquën anaꞌintarin. Yaꞌipi oshahuaninsopita anaꞌintarin niꞌton, tëꞌhuatacasoꞌ yaꞌhuërin. Chiminaquë huarëꞌ ina yonquiatomaꞌ, noya nicoꞌ.