Malaquías 1:14 - Chayahuita (Shahui)

¹⁴ Aꞌnaquëma pëꞌtahua huëntonëma quëran noya nininsoꞌ, huayonahuatomaꞌ: ‘Iso pëꞌtahua Sinioro marëꞌ acoarahuë,’ tënamaꞌ. Napoapomarahuëꞌ, naponin nininso quëshitomaco, ca marëꞌ tëparamaꞌ. Ina pochin nonpintësoꞌ, paꞌpi co noyahuëꞌ nicato ama huachi noya yaꞌhuëcaso marëhuëꞌ, shaꞌhuitarahuë. Yaꞌipi copirnoroꞌsa quëran, caso chini chiníquën nanantërahuë. Yaꞌipi isoroꞌpaquë nisha nisha piyapiꞌsa yaꞌhuërinsoꞌ, tëꞌhuatatonaco natërinaco. Caso Sinioroco yaꞌipi nanitapato, ina pochin shaꞌhuitaranquëmaꞌ,” itërin.

Malaquías 1:14 ပူးပေါင်းရင်းမြစ်များ

Génesis 27:12

Tatahuë sëꞌhuahuachinco, nohuitarinco. Nohuitatonco: “Cacopo nonpintarinco,” topachin, co inapotatoncohuëꞌ ama huachi noya yaꞌhuëcaꞌhuaso marëhuëꞌ shaꞌhuitarinco, itërin.

Salmos 47:2

Siniorosoꞌ chini chiníquën nanantaton, paꞌpi tëꞌhuatoro yaꞌnorin. Yaꞌipi isoroꞌpaꞌ huaꞌanëntaton noya noya copirno yaꞌconin.

Salmos 47:3

Israiroꞌsanpoasoꞌ ina catahuarinpoa niꞌton, nisha nisha nacionoꞌsa ataꞌhuantërëhuaꞌ. Inapita canatëhuaꞌ, nohuantërëhuaso nitërëhuaꞌ.

Salmos 47:8

Yosësoꞌ, yaꞌipi nacionoꞌsa copirnonën nicacaso marëꞌ yaꞌconin. Noya noya huaꞌanëntacaso shiranënquë huënsëárin.

Salmos 95:3

Yosëíchin chini chiníquën nanantërin. Piyapiꞌsasoꞌ nisha nisha moshapirinahuëꞌ, Yosëíchin chini chiníquën nanantërinsoꞌ.

Daniel 4:37

Iporaso ca Napocotonoco, Yosë inápaquë huaꞌanëntërinso chinotërahuë. Inasáchin noya nicato natërahuë. Inasoꞌ maꞌsha nipachina, noꞌtëquënáchin nisahuaton, noyasáchin ninin. “Caso noya noyaco,” topachina, inari nanitërin atapanacasoꞌ, tënahuë.

Daniel 9:4

Nontohuatora: “Quëmasoꞌ Sinioro chini chiníquën nanantaton, yaꞌipi nanitaparan. Maꞌsona shaꞌhuitohuatancoi, noꞌtëquën nonan. Nosoroatënën camaitëransopita natëhuachinën, quëmarinta nosororansoꞌ aꞌnotëran.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Malaquías 1:8

‘Somaraya, sonpacha, caniaꞌpi, inapochin nininso tërantaꞌ, Sinioro marëꞌ quëpatëhuaꞌ, co maꞌshahuëꞌ,’ tomantatoma noꞌhuitë pochin nitëramaco. Inta nipachin, huaꞌanëmapita nicanacamaso marëꞌ ina pochin nininso maꞌsha quëpatëricoꞌ. ¡Co inapita tëranta ina pochin maꞌsha nininsoꞌ, maꞌpaponquëmahuëꞌ!

Malaquías 2:1

Naquëranchin Siniorori corto huaꞌanoꞌsa pënënaton: “Isontaꞌ, corto huaꞌanoꞌsanquëma shaꞌhuitaantaꞌinquëmaꞌ:

Malaquías 3:9

Tëhuënchachin yaꞌipi israiroꞌsanquëma napotëramaco niꞌton, co noyahuëꞌ niꞌnanquëmaꞌ. Napoaton ama huachi noya yaꞌhuëcamaso marëhuëꞌ, shaꞌhuitaranquëmaꞌ. Caso Sinioroco yaꞌipi nanitapato, shaꞌhuitaantaꞌinquëmaꞌ:

Mateo 24:51

Co natërinhuëꞌ niꞌton, chiníquën anaꞌintarin. Nonpintëroꞌsaꞌ anaꞌintopiso pochin nitapon. Inaquë co napion ancantaton, naꞌnërápon,” tënin Quisoso.

Mateo 5:35

Aꞌnaquëontaꞌ taponaꞌ: ‘Isoroꞌpaꞌ yaꞌhuërin niꞌton, noꞌtëquën nontëranquën,’ topi. Yanonpinatonaꞌ, napopirinahuëꞌ. Isoroꞌpantaꞌ Yosëri ninin. Chini chiníquën nanantaton, isëquëntaꞌ huaꞌanëntërinpoaꞌ. ‘Quirosarin yaꞌhuërin niꞌton, noꞌtëquën nontëranquën,’ toconpi aꞌnaquëontaꞌ. Aꞌna tahuëri inaquë Yosëri aꞌpaimarinsoꞌ huaꞌanëntapon huachi. Napoaton co ina pochin nonacasoꞌ yaꞌhuërinhuëꞌ.

Marcos 14:8

Iso sanapisoꞌ cancanën quëran noya yonquiaton, inapotërinco. Coꞌhuara chimiyantërasocohuëꞌ, nosoroatonco, nonëhuë huaꞌsaiquë opotërinco paꞌpitinacoso marëꞌ.

Lucas 12:46

Napoasoꞌ, aꞌnanaya patronëni quënanquiantapon. Co nitotasohuëꞌ, aꞌnanaya canquipon. Co natërinhuëꞌ niꞌton, ocoirahuaton, chiníquën anaꞌintarin. Co natëtonoꞌsahuëpitarë chachin anaꞌintarin.

2 Corintios 8:12

Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

1 Timoteo 6:15

Tahuëri nanihuachin, Yosë nohuanton, oꞌmantararin. Yosëíchin huaꞌanëntërinpoaꞌ. Yaꞌipi huaꞌanoꞌsaꞌ ina natëinaꞌ. Copirnoroꞌsarintaꞌ natëinaꞌ. “Ma noyacha Yosëso paya,” ichinaꞌ.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.