Lucas 9:55 - Chayahuita (Shahui)

⁵⁵ Tahuërëtahuaton: —Ama iyaroꞌsaꞌ napocosohuëꞌ. Tananpitocoꞌ, itërin.

Lucas 9:55 ပူးပေါင်းရင်းမြစ်များ

2 Samuel 19:22

Apisai napopirinhuëꞌ, Tapisoꞌ Coaponta itapon: —Canpitaso Sirohuia huaꞌhuinpitanquëmaꞌ. Catonquëma chachin yaiꞌhuërëtatoma naporamaꞌ. Caso nipirinhuëꞌ, co ina pochin yonquirahuëꞌ. Ca mini Israiro copirnocosoꞌ. ¡Napoaton canpitasoꞌ, co nisha camaitamaso yaꞌhuërinhuëꞌ! Co nohuantërahuëꞌ ipora tahuëri aꞌna Israiro quëmapi tëranta chiminacasoꞌ, itërin.

Copo naporinso' 2:10

—¡Coꞌchi quëmasoꞌ noꞌtëquën yonquiranhuë paya! Noya nininsopita Yosë quëtohuachinpoaꞌ, maꞌparëhuaꞌ. Co noyahuëꞌ nininsopitaso quëtohuachinpoaꞌ: ¿Co maꞌpacaso yaꞌhuërinhuëꞌ ti? ¡Inanta mini maꞌpacaso yaꞌhuërin! itërin. Inapoaton Coposoꞌ, parisitaponahuëꞌ ahuantërin. Co piꞌpian tëranta Yosë noꞌhuiton, oshahuaninhuëꞌ.

Copo naporinso' 42:6

Napoaton co noya yonquiatohuëꞌ nonahuëso marëꞌ tapanahuë. Amocan, huarianoꞌ, inaquëpita huënsëato nonahuëso marëꞌ sëtërahuë. Ama huachi ina yonquiquësohuëꞌ, tënahuë,” itërin.

Mateo 16:23

Quisosori tahuërëtahuaton, itërin. —¡Taꞌtëquëꞌ iyasha! Sopai nohuanton, napotëranco. ¿Yaanishacancantëranco ti? Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin Quisosori.

Mateo 26:33

—Aꞌnapita taꞌananpipirinënquëontaꞌ, co casoꞌ taꞌarahuëꞌ, tënin Pitro.

Mateo 26:41

Ama huëꞌëtomahuëꞌ, niꞌtácoꞌ. Yosë nontocoꞌ ama sopai minsëinquëmaso marëhuëꞌ. Cancanëma quëranso mini Yosë yanatëpiramahuëꞌ, co canpitaora chiníquën cancantaramahuëꞌ, itërin.

Mateo 26:51

Caꞌtanoꞌsanënpita inaquë huaniapi. Aꞌnaraꞌ sahuëninën ocoirahuaton, corto huaꞌan inpriatonën ahuërin. Ahuëaton, nishitëhuëratëtërin.

Lucas 9:54

Ina marëꞌ Santiaco, Coansha, inapita noꞌhuitopi. —¿Maꞌtaꞌ Sinioro onpochii? Yosë nonchii inápa quëran pën aꞌpaimaton isopita ahuiquichin topiraihuëꞌ, itopi.

Lucas 9:56

Ina quëran aꞌna ninanoquë paantarin.

Santiago 3:10

Yosë noya nontapomarahuëꞌ, piyapi pinopatamaꞌ, co noyahuëꞌ cancantaramaꞌ. Co iyaroꞌsaꞌ nisha nisha nonacasoꞌ yaꞌhuërinhuëꞌ.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.