Lucas 9:52 - Chayahuita (Shahui)

⁵² Yapaaton, catoyaꞌpi aꞌparin. “Pasoꞌ ninanoquë paꞌi, topirahuëꞌ. Paatomaꞌ, natantoncoꞌ huëꞌëpataquëhuaꞌ,” itërin Quisosori. Inaquë Samaria piyapiꞌsaꞌ yaꞌhuëpi.

Lucas 9:52 ပူးပေါင်းရင်းမြစ်များ

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Mateo 10:5

Nani shonca catoyaꞌpi acohuachina, shaꞌhuitërin: “Paatomaꞌ iyaroꞌsaꞌ noya pënëntocoꞌ. Ama nisha piyapiroꞌsaꞌ yaꞌhuëpiquë pacosohuëꞌ. Samaria ninanoroꞌsaquëntaꞌ ama pacosohuëꞌ.

Lucas 10:1

Ina quëran aꞌnapitantaꞌ shaꞌhuitërin pënëntacaisoꞌ. Canchisë shonca catoꞌ quëmapiꞌsaꞌ huayonahuaton, catoya catoya aꞌparin. Nisha nisha ninanoquë aꞌparin. Oshaquëran ina ninanoroꞌsaquë chachin paꞌsarin niꞌton, inapitaꞌton aꞌparin pënëntacaiso marëꞌ. Yapaꞌpachinara itapon:

Lucas 10:33

Ina quëran Samaria quëmapirintaꞌ quënancoantarin. Inasoꞌ nisha quëmapi niponahuëꞌ, nosororin.

Lucas 17:11

Ina quëran Cariria parti naꞌhuëtahuaton, Quirosarinquë paꞌsarin. Samaria yonsan yaꞌcariya paꞌnin.

Lucas 17:16

Quisosoquë huënantahuaton, nantëntaquëchin isonquirin. Isonquirahuaton, “Yosparinquën, Sinioro,” itërin. Samaria piyapi inasoꞌ.

Lucas 7:27

Iráca quiricanënquë ninorin: ‘Coꞌhuara aꞌpamayátërasënquënhuëꞌ, comisionëhuë aꞌpararahuë. Paaton, pënëntapon noya natanainënquënso marëꞌ,’ itërin Yosëri huiꞌnin nontaton. Coansha ninoton, naporin.

Juan 4:4

Inatohua paꞌpachina, Samaria parti naꞌhuëcasoꞌ yaꞌhuërin.

Juan 4:5

Inatohuaꞌ aꞌna ninanoꞌ yaꞌhuërin, Sicarë itopisoꞌ. Ina yaꞌcariya Cosi noꞌpanën yaꞌhuërin. Iráca paꞌpin Cacopo itopisori quëtërinsoꞌ.

Juan 4:9

—Casoꞌ Samaria sanapico nipirahuëꞌ: “Iꞌsha mananso cantaꞌ oꞌoi,” ¿itëranco ti? itërin inarintaꞌ. Cotioroꞌsasoꞌ Samariaroꞌsarëꞌ co noya ninontopihuëꞌ niꞌton, napotërin.

Juan 8:48

Ina natanahuatonaꞌ huaꞌanoꞌsari itantapi: —¿Coꞌta quëmasoꞌ Samaria piyapinquën? tënai. “Sopai yaꞌcoancantërinquën niꞌton, huaꞌyantëran,” topatëira, noꞌtëquën napotërainquën, itopi.