Lucas 9:42 - Chayahuita (Shahui)

⁴² Inaquë quëntapirinhuëꞌ, noꞌpaquë sopairi ataatantarin. Apacoroantarin. Quisosori niꞌsahuaton, sopai itërin: “Huaꞌhuasha tananpitëquëꞌ. Pipimiatëquë huachi,” itërin. Aꞌnaroáchin sopai pipirin. Huaꞌhuasha noyatërin huachi. “Pëinënquë iyasha quëpantaquëꞌ,” itërin.

Lucas 9:42 ပူးပေါင်းရင်းမြစ်များ

1 Reyes 17:23

Naporoꞌ Iniasëri quëmapiaꞌhua maimirarahuaton, anohuaramarin. Inaquë aꞌshin quëtaton: —¡Niꞌquë imoya huaꞌhuan nanpirin! itërin. —Iporacha tëhuënchinsoꞌ Yosë piyapinën ninansoꞌ noya noya nitotërahuë huachi. Maꞌsona tëranta quëmasoꞌ topatan, Sinioro anitotërinquënso noꞌtëquën shaꞌhuiaran, itërin quëyoroni.

2 Reyes 4:36

Napohuachina, piyapinën përasahuaton aꞌshin përacasoꞌ camairin. Huëꞌpachina itapon: —Maꞌtana imoya huaꞌhuan huachi, itërin.

Marcos 9:20

Napohuachina, quëshipi. Quisoso quënanahuaton, sopai noꞌhuitaton, huaꞌhuasha ahuaꞌyantërin. Noꞌpaquë atatahuaton, asocoro asocorotarin. Saꞌpo saꞌpo niconin.

Lucas 7:15

Napotohuachina, nanpiantarahuaton huënsërin. Ina quëran nonsarin. Quisosori aꞌshin itapon: “Yaꞌhuëranquë imoya quëpaantaquë,” itërin.

Lucas 9:39

aꞌnanaya sopairi yaꞌcoancantohuachina, “yai” tosahuaton noꞌpaquë nitëꞌyatërin. Saꞌpo saꞌpo niconin. Pacororárin. Napoin quëran sopairi patohuachina, paꞌpi iquirorin.

Lucas 9:41

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? tënahuë. Huiꞌnan quëshico, itërin Quisosori.

Lucas 9:43

Yaꞌipi piyapiꞌsari nicatonaꞌ, paꞌyanpi. “¡Ma noyacha Yosëri catahuarin niꞌton, sopai aꞌparin paya!” topi. Yaꞌipi piyapiꞌsari paꞌyanatonaꞌ, anoyatërinsoꞌ yonquirápirinahuëꞌ, caꞌtanoꞌsanënpita itantarin:

Juan 6:19

Saota quiromitro pochin nani maitopiraihuëꞌ, Quisoso huëꞌsarin nicaporaihuëꞌ, co aꞌnaroáchin nohuitëraihuëꞌ. Iiꞌ aipi iꞌnarahuaton, noꞌpa pochin huëꞌshiarin. Poti yaꞌcaririarinsoꞌ niꞌsahuatoi, paꞌyanai.

Hechos 9:41

Pitrori maimirarahuaton, ahuanirin. Ina quëran imapisopita, quëyoronoꞌsaꞌ inapita përarin. Huëꞌsahuatonaꞌ, nanpirin quënanquipi.

Apocalipsis 12:12

Napoaton inápaquë yaꞌhuëpisopita noya cancanchinaꞌ. Yaꞌipiroꞌpaquë, marëquë, inaquëpita yaꞌhuëpisopitaso nipirinhuëꞌ, parisitapi. ¡Maꞌhuantacha nisapi paya! Sopai paꞌsárin minsëcaso marëꞌ. ‘Co huaꞌquiya quëranhuëꞌ Yosë anaꞌintarinco,’ taꞌton, chiníquën noꞌhuitërin. Noꞌhuitaton, piyapiꞌsaꞌ yaminsërin.”