Lucas 9:41 - Chayahuita (Shahui)

⁴¹ —¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? tënahuë. Huiꞌnan quëshico, itërin Quisosori.

Lucas 9:41 ပူးပေါင်းရင်းမြစ်များ

2 Reyes 5:8

“Quirica aꞌpatopiso nontaton copirnonënpoasoꞌ, aꞌmorinso osharin,” topisoꞌ, Irisio natantërin. Ina natanaton, iso pochin nanan aꞌpatërin: “¿Onpoatonta aꞌmoranso osharan? Quëmapi huëꞌninsoꞌ, shaꞌhuitëquë niꞌquiinco. Niꞌpachinco, tëhuënchachin Israiro noꞌpaquë pënëntonaꞌpi yaꞌhuërinsoꞌ, nitotarin,” taꞌcaso nanan aꞌpatërin.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 16:28

Napohuachina Siniorori, Moisësë itapon: —Nani pënënpirahuëꞌ. Nani aꞌchintopirahuëꞌ. ¿Onporo huarëta natëponaco?

Números 14:11

Naporoꞌ Siniorori, Moisësë itapon: —¡Maꞌchachinta niꞌtonaꞌ, isopita yánocaninaco! Inapita catahuaꞌhuaso marëꞌ nani maꞌsha sacai nininsopita nipirahuëꞌ, ¡co yanatërinacohuëꞌ!

Números 14:27

—Israiroꞌsa co noyahuëꞌ cancantatonaꞌ, naꞌcon pinorinaco niꞌton, ¡co huachi ahuantërahuëꞌ! Yaꞌipi pinorinacosopita nani natanahuë.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Mateo 12:39

—Canpitasoꞌ co noyahuëꞌ cancantëramaꞌ. Co piꞌpisha tërantaꞌ Yosë yanatëramahuëꞌ. “Yosë pochin niquëꞌ niꞌiinquën,” itopiramacohuëꞌ, co Yosë nohuantërinhuëꞌ. Isoíchin anitotarinquëmaꞌ. Aꞌna tahuëri Conasë pochin nisarahuë.

Mateo 12:45

Napoaton paantarahuaton, canchisë sopairoꞌsaꞌ maantarin. Aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Napoaton aquë aquëtëꞌ co noyahuëꞌ yonquirin huachi. Inapochachin ipora naꞌa piyapiꞌsaꞌ sopai natëtonaꞌ, co noyahuëꞌ cancantopi. Ina quëran: ‘Co huachi sopai natëarahuëꞌ,’ taponaraihuëꞌ, co Yosë yonquiatonahuëꞌ, oshaquëran aquë aquëtëꞌ co noyahuëꞌ cancantaantapi huachi,” itërin Quisosori.

Mateo 16:4

Ipora yaꞌhuëramasopita co noyahuëꞌ cancantëramaꞌ. Nitëhuananpitopisopita pochin cancantatomaꞌ, co piꞌpisha tërantaꞌ Yosë yanatëramahuëꞌ. ‘Sacaiꞌ nicacaso nininsoꞌ niquëꞌ natëiinquën,’ itopiramacohuëꞌ, co Yosë nohuantërinhuëꞌ ina pochin nicaꞌhuasoꞌ. Isoíchin anitotarinquëmaꞌ. Aꞌna tahuëri canpita nitotacamaso marëꞌ, Conasë pochin nisarahuë” itërin. Ina quëran patërin huachi.

Mateo 17:17

—¡Maꞌhuantacha ninama paya! Canpitasoꞌ co Yosë natëramahuëꞌ. Co natëtochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? itahuaton, —Huaꞌhuasha quëshico, itërin Quisosori.

Mateo 23:36

Iráca quëran huarëꞌ shimashonëmapita co noyahuëꞌ cancantopi. Ipora canpitantaꞌ inapita pochachin cancantaramaꞌ niꞌton, Yosë naꞌcon anaꞌintarinquëma huachi, tënahuë,” itërin.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Marcos 10:14

Ina niꞌsahuaton, Quisosori co noyahuëꞌ niꞌnin. —Tananpitocoꞌ iyaroꞌsaꞌ huaꞌhuaroꞌsantaꞌ huëꞌinaꞌ. Ama aꞌpacosohuëꞌ. Huaꞌhuaroꞌsa pochin cancantopisopita Yosë huaꞌanëntërinquë yaꞌconapi.

Marcos 10:49

Quisososoꞌ natanahuaton, chiniconin: —Shaꞌhuitocoꞌ huëꞌin, itërin. Napotohuachina, shaꞌhuitopi. —Noya cancantëquëꞌ iyasha. Nani përarinquën niꞌton, Quisoso nontiiquëꞌ, itopi.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Lucas 8:25

—¿Onpoatomataꞌ co natëramacohuë? itërin. Inapitaso nipirinhuëꞌ paꞌyanatonaꞌ, ninontapi. —¿Ma quëmapicha isosoꞌ niꞌton, ihuan aꞌparin nicaya? Sonontaꞌ aꞌnaroáchin asanoirin, nitopi.

Lucas 9:40

Caꞌtanoꞌsanënpita nontato: “Sopai inquitocoꞌ,” itopirahuëꞌ, co nanitopihuëꞌ, itërin.

Lucas 9:42

Inaquë quëntapirinhuëꞌ, noꞌpaquë sopairi ataatantarin. Apacoroantarin. Quisosori niꞌsahuaton, sopai itërin: “Huaꞌhuasha tananpitëquëꞌ. Pipimiatëquë huachi,” itërin. Aꞌnaroáchin sopai pipirin. Huaꞌhuasha noyatërin huachi. “Pëinënquë iyasha quëpantaquëꞌ,” itërin.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

Hechos 13:18

Catapini shonca piꞌipi inotëro parti paꞌpachinara, Yosëri nosoroaton, co ataꞌhuantërinhuëꞌ. Co yanatëpirinahuëꞌ, naꞌcon catahuarin.

Hechos 2:40

Itahuaton, naꞌcon pënënin. —Ipora yaꞌhuëpisopita co mantaꞌ Yosë yanatëpihuëꞌ. Ina marë noꞌtëquën anaꞌintarin. Canpitaso nipirinhuëꞌ ama inapita pochin cancantocosohuëꞌ. Yosë nontocoꞌ anoyacancanchinquëmaꞌ. Ina quëran chaꞌësaramaꞌ, itërin.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Deuteronomio 32:5

Canpitaso paꞌpi co noyanquëmahuëꞌ. Yosë chachin nipirinhuëꞌ tëhuëtëramaꞌ. Co huiꞌninpita pochin nicaimaso yaꞌhuërinhuëꞌ.

Hebreos 3:19

“Co Yosë nanitërinhuëꞌ nichaꞌëinpoasoꞌ,” topiso marëꞌ co Yosëri catahuarinhuëꞌ. Co yaꞌconpihuëꞌ niꞌton, co sano cancantopihuëꞌ.

Hebreos 4:11

Napoaton naꞌcon yonquiaꞌahuaꞌ Yosë huëntonënquë yaꞌconacaso marëꞌ. Iráca co natëtonahuëꞌ, co imamiatopihuëꞌ. Ama inapita pochin cancantahuasohuëꞌ.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.