Lucas 9:39 - Chayahuita (Shahui)

³⁹ aꞌnanaya sopairi yaꞌcoancantohuachina, “yai” tosahuaton noꞌpaquë nitëꞌyatërin. Saꞌpo saꞌpo niconin. Pacororárin. Napoin quëran sopairi patohuachina, paꞌpi iquirorin.

Lucas 9:39 ပူးပေါင်းရင်းမြစ်များ

Marcos 9:18

Insëquësona sopairi mapachina, noꞌpaquë nitëꞌyatahuaton, saꞌpo saꞌpo niconin. Ninaquërarahuaton, pacororárin. Caꞌtanoꞌsanënpita natanpirahuëꞌ inquitacaiso marëꞌ, co nanitopihuëꞌ, itërin.

Marcos 9:20

Napohuachina, quëshipi. Quisoso quënanahuaton, sopai noꞌhuitaton, huaꞌhuasha ahuaꞌyantërin. Noꞌpaquë atatahuaton, asocoro asocorotarin. Saꞌpo saꞌpo niconin.

Marcos 9:26

Napotohuachina, Sopai chiníquën “yai” tahuaton, huaꞌhuasha ahuaꞌyantaantarin. Inapotahuaton, chimipi pochin patërin. Napoaton: “Nani chiminin,” topirinahuëꞌ,

Lucas 4:35

Itohuachina, Quisosori itërin: —¡Taꞌtëquëꞌ! Iso quëmapi quëran pipimiatëquëꞌ, itërin. Sopaisoꞌ quëmapi noꞌpaquë tëꞌyatahuaton, pipirin. Co mantaꞌ onpotërinhuëꞌ.

Lucas 9:38

Aꞌnarisoꞌ nontiirin. —Huëquëꞌ Maistro, huiꞌnahuë nitiico. Inaíchin huiꞌnahuë nipirinhuëꞌ,

Lucas 9:40

Caꞌtanoꞌsanënpita nontato: “Sopai inquitocoꞌ,” itopirahuëꞌ, co nanitopihuëꞌ, itërin.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

Apocalipsis 9:11

Huaꞌanën yaꞌhuëtërin antaꞌ. Inari camairinsoꞌ, sopairoꞌsaꞌ oncorapirinsoꞌ parti quëran huëꞌnin. Cotio nananquë Apatono itopisoꞌ. Crico nananquë Aporiono itopi. Tiquitonaꞌpi tapon naporin.