Lucas 9:33 - Chayahuita (Shahui)

³³ Inapitasoꞌ yapanantahuachinara, Pitrori itapon: —¡Ma noyacha Maistro isëquë huëꞌnëhua paya! Cara imënamëaꞌhuaya nii, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, topirahuëꞌ, itërin. Co yonquiatonhuëꞌ, napotërin.

Lucas 9:33 ပူးပေါင်းရင်းမြစ်များ

Salmos 27:4

Aꞌnaíchin maꞌsha Sinioro natainquën acotoco. Ina paꞌpi nohuantato napoarahuë. Quëma pëinënquë quëtoco yaꞌhuëꞌi. Inaquë yaꞌhuëato chinotaꞌinquën. Noyápiachin ninansoꞌ, niꞌsaꞌi.

Salmos 73:28

Caso nipirinhuëꞌ, nohuitaꞌhuanquënsoráchin cancantarahuë. Ina pochin cancantohuato, noya noya nisarahuë. Quëma huaꞌanëntatonco paꞌpoyaranco. Napoaton yaꞌipi naporansopita shaꞌhuirápo.

Mateo 17:14

Nani nohuaraimantahuachinara, naꞌa piyapiꞌsaꞌ quënanquimarin. Aꞌna quëmapisoꞌ huëꞌsahuaton, isonquirin.

Mateo 17:4

Ina niꞌsahuaton, Pitrori itërin: —¡Ma noya Sinioro isëquë huëꞌnëhuaꞌ! Nohuantohuatan, cara imënamëaꞌhuaya nii, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, topirahuëꞌ, itërin.

Marcos 10:38

—Canpitasoꞌ co noꞌtëquën yonquiátëraramahuëꞌ. Co yaꞌipi nitochátëraramahuëꞌ. Chiníquën iyaroꞌsaꞌ parisitarahuë. Main oꞌorëso pochin paꞌpi parisitarahuë. Iꞌquë yaꞌcoitërëso pochin aparisitarinaco. Canpitantaꞌ aparisitohuachinënquëmaꞌ, ¿ahuantapomaꞌ ti? itërin.

Lucas 5:5

—Capa sami Maistro. Yaꞌipi tashiꞌ tëꞌyatopiraihuëꞌ, co mantaꞌ manaihuëꞌ. Nipirinhuëꞌ, quëma shaꞌhuitëranco niꞌquëhuarëꞌ, naquëranchin tëꞌyatantaꞌi, itërin Simoni.

Lucas 9:34

Napotaquëyaꞌ, chitorori imotërin. Yaꞌipiya imotërin niꞌton, paꞌyanpi.

Lucas 9:49

Aꞌna tahuëri Coanshari itapon: —Aꞌna quëmapi Maistro niꞌnai. “Quisoso nanan quëtërinco,” taꞌton sopairoꞌsaꞌ aꞌpararin. Inaso nipirinhuëꞌ, co quiya pochin imarinquënhuëꞌ niꞌton, co nohuantëraihuëꞌ. “Ama inapoquësohuëꞌ,” itërai, itërin.

Juan 14:8

—Tata aꞌnotocoi niꞌii. Ina niꞌpatoi, nóya cancantarai huachi, itopirinhuëꞌ Pinipiri.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.