Lucas 9:20 - Chayahuita (Shahui)

²⁰ —Canpitaso nipirinhuëꞌ ¿maꞌtaꞌ yonquiramaꞌ? itërin Quisosori. —Quëmasoꞌ Cristo, Yosë aꞌpaimarinquënsoꞌ, itërin Pitrori.

Lucas 9:20 ပူးပေါင်းရင်းမြစ်များ

Mateo 22:42

—Iráca Yosë quiricanënquë shaꞌhuitërinpoaꞌ. “Aꞌna tahuëri aꞌna quëmapi acoarahuë piyapiꞌsaꞌ nichaꞌëcaso marëꞌ. Inasoꞌ Cristo itopisoꞌ,” tënin Yosë. ¿Intaꞌ shiin inasoꞌ? itërin Quisosori. —Tapicoꞌ shiin inasoꞌ, topi parisioroꞌsaꞌ.

Mateo 26:63

Quisososo nipirinhuëꞌ co mantaꞌ tëninhuëꞌ, taꞌtárin. Ina quëran corto huaꞌani itantarin: —“Yosë niꞌsárinco co nonpinahuëꞌ,” taꞌton, noꞌtëquën shaꞌhuitocoi. ¿Quëmasoꞌ Cristo, Yosë huiꞌninquën chachin ti? itërin.

Mateo 5:47

Iyamaráchin noya nontohuatamaꞌ, co noya noya ninamahuëꞌ. Co Yosë nohuitopisopitahuëntaꞌ inahua capini noya ninontopi. Napoaton canpitasoꞌ nisha piyapiroꞌsantaꞌ noya nontocoꞌ.

Marcos 14:61

Quisososo nipirinhuëꞌ, co mantaꞌ tëninhuëꞌ. Taꞌtárin. Napohuachina, naquëranchin nataantarin: —¿Quëmasoꞌ Cristo, Yosë huiꞌninquën chachin ti? itaantarin.

Marcos 8:29

—Canpitaso nipirinhuëꞌ, ¿maꞌtaꞌ yonquiramaꞌ? itërin. —Quëmasoꞌ Cristo, Yosë chachin aꞌpaimarinquën, itërin Pitrori.

Lucas 22:67

—Quëmasoꞌ Cristo Yosë aꞌpaimarinquënsoꞌ nipatan, noꞌtëquën shaꞌhuitocoi nitochii, itopi. —Shaꞌhuitohuatënquëmaꞌ, co natëaramacohuëꞌ.

Lucas 9:19

—“Coansha Paotistacoꞌ nanpiantarinsoꞌ,” topi aꞌnaquën. “Co inahuëꞌ. Tata Iniasëcoꞌ nanpiantarinsoꞌ,” topi aꞌnaquëontaꞌ. “Co inahuëꞌ. Aꞌna pënëntonaꞌpi iráca chiminpirinhuëꞌ, nanpiantarinsoꞌ nimara,” topi aꞌnapitantaꞌ, itopi.

Juan 1:41

Shiarahuaton, iin quënanconin. —Iya Simon, Cristo nani quënanai, Yosëri aꞌpaimarinsoꞌ, itërin.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

Juan 11:27

—Natëranquën mini Sinioro. Tëhuënchachin quëmasoꞌ Cristo. Yosë huiꞌninquën. Isoroꞌpaquë aꞌpaimarinquënsoꞌ, itërin.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Juan 4:29

—Huëcoꞌ paꞌahuaꞌ. Pasëquë quëmapi nohuitocoꞌ. Co nohuitaponcorahuëꞌ, “Nani aꞌnatërápo soꞌyahuanquën,” itërinco. Yaꞌipiya ninorin. ¿Inasoꞌ Cristo nimara ti? itërin.

Juan 4:42

Sanapi itaponaꞌ: —Quëma shaꞌhuitërancoi niꞌtoi, piꞌpian Quisoso natërai. Iporaso nipirinhuëꞌ quiyaora chachin natanai. Nani nohuitatoi, cancanëhuëi quëran huarëꞌ natërai huachi: “Tëhuënchachin isosoꞌ nichaꞌërinpoaꞌ. Insosona imapachinaꞌ, oshanën inquitaton, anoyacancantarin, tënai,” itopi.

Juan 7:41

—Cristo mini tënahuë, tënin aꞌnaquën. —Co inahuëꞌ nimara. Cristo naporini co Cariria parti quëran huëꞌitonhuëꞌ.

Hechos 17:3

—Quisocristo imacoꞌ canpitantaꞌ. Inasoꞌ inápa quëran oꞌmarin, Yosëri aꞌpaimarinsoꞌ. Ina nohuanton, oshanënpoa marëꞌ chiminin. Chiminpirinhuëꞌ, Yosë nohuanton, nanpiantarin. Iráca quiricanën quëran ninorinso chachin naporin. Inasoꞌ Cristo, Yosëri acorinsoꞌ, tënin.

Hechos 8:36

Nani aꞌchintohuachina, ira paꞌtapona pochin iiꞌ quënanconpi. —Niꞌquëꞌ iyasha. Iiꞌ yaꞌhuërin. Cantaꞌ aporintoco, topirahuëꞌ, itërin huaꞌani. [

Hechos 9:22

Saonosoꞌ chiníquën cancantaton, nóya aꞌchinarin. “Tëhuënchachin Yosëri Cristo aꞌpaimarin. Inasoꞌ Quisoso chachin. Yosë quiricanën quëran noꞌtëquën anitotërinpoaꞌ,” taꞌton, naꞌcon aꞌchintërin. Cotioroꞌsaꞌ inaquë yaꞌhuëpisopita nisha nisha yonquiatonaꞌ, co nanitopihuëꞌ aꞌpanitacaisoꞌ.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.