Lucas 9:16 - Chayahuita (Shahui)

¹⁶ Nani huënsëhuachinara, Quisosori aꞌnatërapoya pan, catoya sami, inapita maꞌpatërin. Inápaquë nëꞌpëtahuaton, Yosë nontërin: “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. “Piyapiꞌsaꞌ quëtoncoꞌ caꞌinaꞌ,” itërin.

Lucas 9:16 ပူးပေါင်းရင်းမြစ်များ

Mateo 14:19

Ina quëran piyapiꞌsaꞌ shaꞌhuitërin pastoquë huënsëcaiso marëꞌ. Nani huënsëhuachinara, Quisosori aꞌnatërapoya pan, catoya sami, inapita manin. Masahuaton, inápaquë nëꞌpëtahuaton, Yosë nontërin. “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. —Piyapiꞌsaꞌ quëtoncoꞌ caꞌinaꞌ, itohuachina, quëtëraꞌpiapi.

Mateo 15:36

Nani huënsëhuachinara, canchisë pan, sami, inapita masahuaton, Yosë nontërin. “Yosparinquën Tata,” itërin. Ina quëran sëꞌpanahuaton, caꞌtanoꞌsanënpita quëtërin piyapiꞌsaꞌ quëtacaiso marëꞌ. Yaꞌipi quëtëraꞌpiapi.

Marcos 7:34

Inápaquë nëꞌpëtahuaton, sëtërin quëran panca nii oꞌhuarin. Ina quëran Yosë nontahuaton: “¡Ipata!” itërin. “¡Nëꞌhuëransoꞌ inquiquëꞌ!” tapon napotërin.

Lucas 22:19

Ina quëran cosharoꞌ masahuaton, “Yosparinquën, Tata,” itahuaton, sëꞌpanin. Inapotahuaton, aꞌnaya aꞌnaya quëtërin. —Ca nonëhuë pochin isoꞌ. Canpita marëꞌ chiminarahuë. Ca chinotatomaco, caꞌcoꞌ, itërin.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Lucas 9:15

Shaꞌhuitohuachinara, yaꞌipiya huënsëpi.

Lucas 9:17

Quëtohuachinara, yaꞌipi piyapiꞌsaꞌ coshatopi. Natëaquëhuarëꞌ coshatopi. Ina quëran caꞌtanoꞌsanënpitari pëꞌsotopisoꞌ masahuatonaꞌ, shonca catoꞌ iꞌmëꞌ amëntatopi.

Juan 6:11

Quisosori aꞌnatërapoya pan masahuaton, Yosë nontërin. “Yosparinquën, Tata,” itahuaton, piyapiꞌsaꞌ quëtërin capacaiso marëꞌ. Samirë chachin quëtëraꞌpiarai. Yaꞌipi piyapiꞌsaꞌ natëaquë huarëꞌ coshatopi.

Juan 6:23

Napoasoi, potiroꞌsanta Tipiriasë quëran huëꞌpisoꞌ canquirapi quënanpi. Quisoso cosharoꞌ anaꞌataton piyapiꞌsaꞌ aꞌcarinsoꞌ yaꞌcari nonshiipi.

Hechos 27:35

Itahuatoncoi, pan manin. Yaꞌipiya niꞌtërantapaiquë, Yosë nontërin. “Yosparinquën Tata Yosë,” itahuaton, sëꞌpanin. Ina quëran coshatarin.

Romanos 14:6

Ma tahuërisona chinotohuatamaꞌ, Yosë yonquiatomaꞌ, ina chinotaramaꞌ. Inapochachin nosha caꞌpatamaꞌ, Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ. Co nosha caꞌnaꞌpinquëmahuëntaꞌ Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ canpitantaꞌ.

1 Corintios 10:30

‘Yosparinquën Sinioro,’ itahuato, noya casoꞌ caꞌnahuë. ¿Onpoatontaꞌ ina marëꞌ co noyahuëꞌ niꞌninaco?” topiramahuëꞌ.

1 Corintios 11:24

“Yosparinquën Tata Yosë,” itahuaton, sëꞌpanin. Sëꞌpanahuaton, aꞌnaya aꞌnaya quëtërin. “Ca nonëhuë pochin isoꞌ. Caꞌcoꞌ. Canpita marëꞌ chiminarahuë. Niyontonpatamaꞌ, chiminahuësoꞌ yonquiatomaco, piꞌpian cosharoꞌ caꞌcoꞌ,” itërin.

1 Samuel 9:13

Canconpatamaꞌ, aꞌnaroáchin yonícoꞌ. Coꞌhuara inaquë paꞌshátërasohuëꞌ, yaꞌcopiontacoꞌ. Inasoꞌ, inaquë capon paꞌsarin. Coꞌhuara ina canshátërasohuëꞌ, co aꞌnapitaso caponahuëꞌ. Ina cancona huarëꞌ caponaꞌ. Inari maꞌsha Sinioro marëꞌ tëpapisoꞌ, “Yosparinquën,” itacaso niꞌton, ninapi. Inapotohuachina naporo huarëꞌ përarinsopita caponaꞌ. Napoaton apira paꞌpatamaꞌ quënancoanamaꞌ, itopi nanoꞌsari.