Lucas 8:8 - Chayahuita (Shahui)

⁸ Aꞌnaquënso nipirinhuëꞌ noyaroꞌpaquë anotërin. Inaquë noya papotërin. Aꞌshinpachina, shaꞌnin quëran naꞌcon naꞌcon nitaton, pasa, pasa nitërin, itërin. Ina quëran taantarin: —Huëratëhuanpatamaꞌ, noya natanatomaco, yonquicoꞌ, itërin Quisosori.

Lucas 8:8 ပူးပေါင်းရင်းမြစ်များ

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Proverbios 8:1

Yonquisoꞌ, piyapi pochin nicaton chiníquën shaꞌhuitarinpoaꞌ. Yonquínahuan acoinpoaso marëꞌ napoarin.

Mateo 11:15

Huëratëhuanpatamaꞌ, noya natanatomaco, yonquicoꞌ.

Mateo 13:23

Aꞌnaquën piyapiꞌsaso nipirinhuëꞌ, noyaroꞌpa pochin nipi. Yosë nanamën natanahuatonaꞌ, cancanëna quëran huarëꞌ natëpi. Cara shonca, cara shonca nitërinso pochin aꞌnaquën noyamiáchin imapi. Aꞌnaquëontaꞌ saota shonca, saota shonca nitërinso pochin noya imapi. Aꞌnaquëontaꞌ pasa, pasa nitërinso pochin yaꞌipi cancanëna quëran imatonaꞌ, noya noya imapi huachi,” itërin.

Marcos 4:20

Aꞌnaquënso nipirinhuëꞌ noyaroꞌpaquë paꞌsarayarinso pochin nipi. Yosë nanamën noya natanpi. Natanahuatonaꞌ, cancanëna quëran natëpi. Sharoꞌsaꞌ nisha nisha nitërinso pochin natëtopi. Aꞌnaquën yaꞌpirin cara shonca, cara shonca nitërinso pochin noyamiachin imapi. Aꞌnaquëontaꞌ saota shonca, saota shonca nitërinso pochin noya imapi. Aꞌnaquënsoꞌ pasa, pasa nitërinso pochin yaꞌipi cancanëna quëran imatonaꞌ, noya noya imapi huachi,” itërin.

Marcos 4:23

Huëratëhuanpatamaꞌ, noya natanatomaco, yonquicoꞌ,” itërin.

Marcos 4:8

Aꞌnaquënso nipirinhuëꞌ noyaroꞌpaquë paꞌsarayarin. Inaquë noya papotërin. Aꞌshinpachina, shaꞌnin quëran naꞌcon naꞌcon nitërin. Aꞌnaquën yaꞌpirin cara shonca, cara shonca nitërin. Aꞌnaquëontaꞌ saota shonca, saota shonca nitërin. Aꞌnaquënsoꞌ pasa, pasa nitochanin,” itërin.

Marcos 7:16

Huëratëhuanpatamaꞌ, noya natanatomaco, yonquicoꞌ, itërin.]

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Lucas 8:7

Aꞌnaquëontaꞌ nahuanoquë anotërin. Inaquë papotopirinhuëꞌ, nahuanoꞌsantaꞌ papotërin. Aꞌshinahuatona, imotërin. Napoaton co nitërinhuëꞌ.

Efesios 2:10

Yosë anoyacancantërinpoaꞌ. Anoyacancantahuatonpoaꞌ, acorinpoaꞌ nóya nicacaso marëꞌ. Quisocristo catahuahuachinpoaꞌ, noya nisarëhuaꞌ. Iráca quëran huarëꞌ yonquirinpoaꞌ ina pochin nicacasoꞌ. Ina marëꞌ nichaꞌërinpoaꞌ.

Colosenses 1:10

Catahuaquëꞌ Sinioro quëma nohuantëranso chachin niinaꞌ. Inapohuachinaꞌ, noya noya niꞌsaran. Catahuaquëꞌ noyasáchin niinaꞌ. Naꞌcon naꞌcon nohuichinënquën.

Apocalipsis 13:9

Huëratëhuanpatamaꞌ, noya natanatomaꞌ, yonquicoꞌ.

Apocalipsis 2:11

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, co parisitopiquë paatomaꞌ, parisitomiataramahuëꞌ. Nani huachi,” itëquëꞌ, ninshitohuatan, itërinco.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.

Apocalipsis 3:13

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 3:6

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.