Lucas 8:54 - Chayahuita (Shahui)

⁵⁴ Quisososo nipirinhuëꞌ sanapiaꞌhua maimirarahuaton: —Huënsëquëꞌ, apiaꞌhua, itërin.

Lucas 8:54 ပူးပေါင်းရင်းမြစ်များ

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Mateo 9:25

Yaꞌipi piyapiꞌsaꞌ aipiran aꞌparahuaton, acoana chimipi yaꞌhuërinquë yaꞌconin. Maimirarahuaton, ananpitaantarin. Aꞌnaroáchin huanirin huachi.

Marcos 1:31

Inaquë paaparahuaton, maimirarahuaton, opatërin. Naporo chachin sapo otanotërin. Otanotahuaton, inari chachin aꞌcarin, oꞌshitërin, napotërin.

Marcos 8:23

Itohuachinara, maimirarahuaton, ninano aipiran quëparin. Iroiquë pashirayatërin. Nani sëꞌhuarayarahuaton: —¿Maꞌtaꞌ iyasha quënanan? itërin.

Marcos 9:27

Quisosori maimirarahuaton, opatohuachina, huanirin huachi.

Lucas 8:51

Pëinënquë canconahuaton, yaꞌconconin. Paꞌpin, aꞌshin, Pitro, Coansha, Santiaco, inapitaíchin quëparin. “Ama aꞌnapitasoꞌ huëꞌinasohuëꞌ,” tënin.

Lucas 8:53

—Co huëꞌërinhuëꞌ. Nani chiminin huachi, itatonaꞌ, tëhuapi.

Lucas 8:55

Aꞌnaroáchin nanpiantarahuaton, huanirin. “Nanon aꞌcacoꞌ,” tënin Quisoso.

Juan 11:43

Ina tosahuaton, chimipi chiníquën itapon: —¡Iya Nasaro, pipirahuaton huëquëꞌ! itërin.

Juan 5:21

Tatahuë chimipi ananpitaantarin. Inapochachin cantaꞌ insosona nohuantërahuësoꞌ ananpitaantarahuë.

Hechos 9:40

“Yaꞌipinquëmaꞌ pipicoꞌ Yosë nontëriꞌi,” itohuachina, paꞌpi. Nani paꞌpachinara, isonahuaton, Yosë nontërin. Ina quëran nonën tahuërëtahuaton, itapon: —Imoya Tapita, huënsëquëꞌ, itërin. Aꞌnaroáchin niꞌtiintarin. Pitro quënanahuaton, huënsërin.

Romanos 4:17

Iráca Yosëri Apraan itërin: “Ca nohuanto, notohuaroꞌ shiparinpita yaꞌhuëtarinquën. Naꞌa nisha nisha piyapiꞌsantaꞌ quëma pochachin cancantapi,” tënin Yosë. Quiricanënquë naporin. “Yosë noꞌtëquën nontërinco. Yaꞌipiya nanitaparin. Chiminpisopitantaꞌ nanitërin ananpitacasoꞌ. Co maꞌsha yaꞌhuëpirinhuëꞌ, nani yaꞌhuërinso pochin shaꞌhuichanin,” taꞌton, Apraan natëtërin.