Lucas 8:52 - Chayahuita (Shahui)

⁵² Naꞌa piyapiꞌsaꞌ naꞌnëtonaꞌ, ayanápi. —Ama naꞌnëcosohuëꞌ. Co sanapiaꞌhua chimininhuëꞌ. Huëꞌësárin, itërin Quisosori.

Lucas 8:52 ပူးပေါင်းရင်းမြစ်များ

Génesis 23:2

Ina quëran Quiria-arpa ninanoquë chiminin. Ina ninanosoꞌ, Ipron itopi antaꞌ. Inaso Canaan parti yaꞌhuërin. Saꞌin chimininso marëꞌ Apraansoꞌ, sëtaton, naꞌnërárin, ayanárin, naporin.

2 Samuel 18:33

Ina natanaton, copirnoso paꞌpi sëtërin. Sëtaton yaꞌcoana aipi patoana yaꞌhuërinquë nanpëontarin. Inaquë huiꞌnin marëꞌ sëtaton, naꞌnëmiatërin. Ayanapon pochin naporin: “Apësaron, huiꞌnahuë taꞌa. Apësaron conpaaꞌhua taꞌa. Quëma yaꞌhuërënamën chiminahuë naporini, noya niitohuë taꞌa. Apësaron, huiꞌnahuë taꞌa. Apësaron conpaaꞌhua taꞌa,” tënin naꞌnëton.

Éxodo 24:17

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin.

Mateo 11:17

quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Lucas 23:27

Naꞌa quëmapiꞌsari imasapi. Sanapiꞌsarintaꞌ imasapi. Quisoso yatëpapiso marëꞌ chiníquën sëtatonaꞌ, naꞌnërapi.

Lucas 23:48

Naꞌa piyapiꞌsaꞌ Quisoso chimininsoꞌ niꞌsapi. Nani chiminpachina, paꞌyanpi. Chiníquën sëtatonaꞌ, yanquëëpi.

Lucas 8:51

Pëinënquë canconahuaton, yaꞌconconin. Paꞌpin, aꞌshin, Pitro, Coansha, Santiaco, inapitaíchin quëparin. “Ama aꞌnapitasoꞌ huëꞌinasohuëꞌ,” tënin.

Lucas 8:53

—Co huëꞌërinhuëꞌ. Nani chiminin huachi, itatonaꞌ, tëhuapi.

Juan 11:4

Ina natanahuaton, caꞌtanoꞌsanënpita itapon: —Tëhuënchachin yoꞌin chiníquën canioponahuëꞌ, co chiminacaso marëꞌ caniorinhuëꞌ. Noyatohuachin, naꞌa piyapiꞌsari nicatonaꞌ, naꞌcon naꞌcon Yosë yonquiapi. “Ma noyacha Yosësoꞌ niꞌton, anoyatërin paya,” tosapi. Cantaꞌ ina huiꞌninco niꞌton, noya niꞌsarinaco. Ina marëꞌ caniorin, itërin.