Lucas 8:35 - Chayahuita (Shahui)

³⁵ Natanahuatonaꞌ, “¿maꞌtaꞌ onpocaisoꞌ?” taꞌtonaꞌ, paꞌpi nicaponaꞌ. Canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Iporasoꞌ Quisoso yaꞌcariya huënsëarin. Nani aꞌmoanahuaton, noya yonquirin huachi. Co huachi huaꞌyantërinhuëꞌ. Ina nicatonaꞌ, paꞌyanpi.

Lucas 8:35 ပူးပေါင်းရင်းမြစ်များ

Salmos 51:10

Nasha cancan Sinioro quëtoco. Cancanëhuë anoyatohuatanco, noyápiachin cancantaantarahuë. Inapotohuatanco noyasáchin yonquiato, natëtochináchin cancantarahuë.

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Marcos 5:15

Quisosoquë canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Nani aꞌmoanaton, noya huënsërarin. Naꞌa sopairoꞌsari yaꞌcoancantopirinahuëꞌ, noya yonquiantarin. Co huachi huaꞌyantërinhuëꞌ. Napoaton paꞌyanpi.

Lucas 10:39

Martasoꞌ cain yaꞌhuëtërin, Maria itopisoꞌ. Quisoso huëꞌpachina, yaꞌcariya huënsëquirin. Aꞌchininsoꞌ noya natanarin.

Lucas 15:17

Ina quëran yonquirin. ‘¡Maꞌhuántacha ninahuë paya! Tata piyapinënpitasoꞌ noya coshatapi. Caso nipirinhuëꞌ tana yatëparinco taꞌa.

Lucas 2:46

Cara tahuëri quëran Yosë chinotopiso pëiquë quënanpi huachi. Maistroꞌsaꞌ aꞌchinpiquë huënsërahuaton, aꞌchinpisoꞌ natanarin. Natanahuaton, natantaantarin antaꞌ.

Lucas 8:27

Quisoso nonshiconpachina, aꞌna quëmapiri nacapirin, naꞌa sopairoꞌsari yaꞌcoancantërinsoꞌ. Yaꞌcoancantopi niꞌton, co huachi yonquirinhuëꞌ. Huaꞌquiꞌ co mantaꞌ aꞌmorinhuëꞌ. Co huachi pëiquë yaꞌhuërinhuëꞌ. Naꞌpi naninquë chimipiroꞌsaꞌ poꞌmopiquë yaꞌhuárin.

Lucas 8:34

Ina niꞌsahuatonaꞌ, coshi aꞌpainaꞌpiroꞌsasoꞌ taꞌapi. Ninanoquë canconahuatonaꞌ, shaꞌhuiconpi. Ninano pirayan yaꞌhuëpisopitantaꞌ aꞌnaya aꞌnaya shaꞌhuitëraꞌpiapi.

Hechos 22:3

“Cantaꞌ iyaroꞌsaꞌ cotio piyapico. Tarsoquë nasitërahuë. Sirisia parti nasitopirahuëꞌ, isëquë huëcato, huiꞌnapitërahuë. Maistro Camariro aꞌchintërinco. Shimashonënpoaꞌ pënëntërinso chachin yaꞌipi aꞌchintërinco. Huaꞌhuatapo quëran huarëꞌ chiníquën Yosë yonquirahuë. Aꞌnaya tërantaꞌ nisha yonquihuachinara, canpita pochachin noꞌhuirahuë.

1 Juan 3:8

Nani tahuëri co noyahuëꞌ nipatamaꞌ, sopai imaramaꞌ. Iráca quëran huarëꞌ sopai co noyahuëꞌ cancantaton, oshahuanin. Inasoꞌ nonpintohuachinpoaꞌ, canpoantaꞌ oshahuanarëhuaꞌ. Napoaton Yosë huiꞌnin oꞌmarin sopai minsëaton nichaꞌëinpoaso marëꞌ. Yaꞌipi oshanënpoaꞌ inquitohuachinpoaꞌ, co huachi sopai natëcasoꞌ yaꞌhuërinhuëꞌ.