Lucas 8:27 - Chayahuita (Shahui)

²⁷ Quisoso nonshiconpachina, aꞌna quëmapiri nacapirin, naꞌa sopairoꞌsari yaꞌcoancantërinsoꞌ. Yaꞌcoancantopi niꞌton, co huachi yonquirinhuëꞌ. Huaꞌquiꞌ co mantaꞌ aꞌmorinhuëꞌ. Co huachi pëiquë yaꞌhuërinhuëꞌ. Naꞌpi naninquë chimipiroꞌsaꞌ poꞌmopiquë yaꞌhuárin.

Lucas 8:27 ပူးပေါင်းရင်းမြစ်များ

Isaías 65:4

Inapitasoꞌ poꞌororoꞌsaquë huënsëconpi. Co paꞌshantopiquëhuëꞌ tahuërianpitápi. Inapitasoꞌ, coshi nosha caꞌconpi. Nisha nisha maꞌsha amirotochináchin niꞌnahuësoꞌ, poꞌmotona caꞌpi.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Marcos 5:15

Quisosoquë canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Nani aꞌmoanaton, noya huënsërarin. Naꞌa sopairoꞌsari yaꞌcoancantopirinahuëꞌ, noya yonquiantarin. Co huachi huaꞌyantërinhuëꞌ. Napoaton paꞌyanpi.

Lucas 8:26

Ina quëran Cariria sonoꞌ aquëtëran canconpi, Quirasa parti itopiquë.

Lucas 8:28

Naꞌpochuachina catinaquë tanpaquën tonporahuatonaꞌ, paꞌontaꞌ tonpotopirinahuëꞌ, oshitërachinin. Sopai nohuanton, co piyapi yaꞌhuërinquëhuëꞌ taꞌantarin. Quisoso quënanahuaton, nantëntaquë isonquirahuaton, monshorarin. Napohuachina, Quisosori nosoroaton, aꞌnaroáchin sopai itërin: —Iso quëmapi quëran pipico huachi, itërin. Ina natanahuaton, chiníquën nonin. —¿Maꞌtaꞌ yaonpotarancoi? Quëmasoꞌ Quisosonquën. Yosë huiꞌninquën. Yosë marëꞌ ama aparisitocoisohuëꞌ, itërin.

1 Samuel 19:24

Naporahuaton oꞌnanpiramantarin. Oꞌnanpirapi Samoiro notënanquë yaꞌipi tahuëri yaꞌipi tashi quëhuënárin. Napoaton piyapiꞌsa nonpachinara paꞌyatopi napocaisoꞌ: “¡Saononta pënëntonaꞌpi antaꞌ!” topi.