Lucas 8:23 - Chayahuita (Shahui)

^23-24 Quisososoꞌ nipirinhuëꞌ, huanconënquë huëꞌë́rarin. Paaquëyaꞌ, panca ihuani manin. Coꞌsacairi potinën opoto opototahuaton nani yamëntaitapirinhuëꞌ, caꞌtanoꞌsanënpitari paꞌyanatonaꞌ, ochinanpi. —¡Maistro, Maistro, chimiitarihuaꞌ! Catahuacoi, itopi. Quisososoꞌ huënsërahuaton, ihuan aꞌparin. Sonontaꞌ panca coꞌsacaitapirinhuëꞌ, asanoirin. Aꞌnaroáchin copitënin.

Lucas 8:23 ပူးပေါင်းရင်းမြစ်များ

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Isaías 54:11

Sinioro naporin: “Quirosarin ninanosoꞌ, sëtoro nisárin. Panca ihuani tëꞌyatërinso pochin ninin. Co incari tëranta noya nontatë achinincancanëso pochin nitërinhuëꞌ. Napoápirinhuëꞌ, anoyataantacaso marëꞌ yara naꞌpi paꞌton nininsoquë anoyataantarahuë. Pairanën paquëmarinsontaꞌ, sapiro naꞌpi quëran acoarahuë.

Lucas 5:1

Ina quëran Quisoso Quinisariti sonoꞌ yonsanquë aꞌchinarin. Naꞌa piyapiꞌsaꞌ yamorapi. Yosë nanamën natanacaiso marëꞌ huëꞌpi. Chiníquën yaꞌquëëtopi.

Lucas 8:22

Ina quëran aꞌna tahuëri caꞌtanoꞌsanënpita itapon: —Aquëtëran paꞌahuaꞌ, itërin. Potiquë yaꞌconahuatonaꞌ, pëntonapi.

Hechos 27:2

Inaquë panca nancha yaꞌhuërin, Atramitio quëran huëꞌninsoꞌ. Asia parti yapaꞌsarin. Aꞌnaya aꞌnaya ninanoquë yachinpirinsoꞌ. Inaquë yaꞌconahuatoi, pipirai. Aristarcontaꞌ caꞌtanincoi. Inasoꞌ Tisaronicaquë yaꞌhuërin, Masitonia parti nininsoꞌ.

1 Corintios 15:30

¿Maꞌmarëtaꞌ quiyantaꞌ parisitaporaihuëꞌ, aꞌchinárai? Nani tahuëri yaahuërinacoi. Co nanpiantahuatëhuahuëꞌ, topinan quëran parisitërai.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.