Lucas 8:14 - Chayahuita (Shahui)

¹⁴ Aꞌnaquëontaꞌ nahuanoꞌsaꞌ yaꞌhuërinquë pochin nipi. Yosë nanamën natanpirinahuëꞌ. Isoroꞌparáchin yonquiatonaꞌ, co nanamën yonquipihuëꞌ. Coriquiráchin cancantopi. Nipaꞌyatacasoáchin yonquirapi. Nahuanoꞌsari imotërinso pochin maꞌsharáchin yonquiatonaꞌ, Yosë nanamën naniantopi. Co huachi natëpihuëꞌ.

Lucas 8:14 ပူးပေါင်းရင်းမြစ်များ

Mateo 13:22

Aꞌnaquën piyapiꞌsantaꞌ nahuanoꞌ yaꞌhuërinso pochin niconpi. Yosë nanamën natanpachinara, yaimapirinahuëꞌ, maꞌsharáchin yonquiatonaꞌ, naniantopi. ‘Naꞌa coriqui, maꞌsha, inapita yaꞌhuëtohuachincoi, nóya cancantarai,’ topirinahuëꞌ, co ina quëran noya cancantacasohuëꞌ nipirinhuëꞌ. Napoaton nahuanoꞌsari imotërinso pochin, maꞌsharáchin yonquiatonaꞌ, Yosë nanamën naniantopi. Co imamiatopihuëꞌ.

Marcos 4:19

maꞌsharáchin yonquipi. ‘Naꞌa coriqui, maꞌsha, inapita yaꞌhuëtohuachincoi, noya cancantarai,’ topi. Napoaton nahuanoꞌsari imotërinso pochin, nani maꞌsha nohuantatonaꞌ, Yosë nanamën naniantopi. Co imamiatopihuëꞌ.

Lucas 16:13

Catoꞌ patron camaihuachinquëmaꞌ, co nanitëramahuëꞌ cato chachin natëcamasoꞌ. Aꞌnasoꞌ nohuantatomaꞌ, noya natëaramaꞌ. Aꞌnaso nipirinhuëꞌ co onpopinchin nohuantatomahuëꞌ co natëaramahuëꞌ. Inapochachin canacamasoáchin yonquihuatamaꞌ, co nanitaramahuëꞌ Yosë natëcamasoꞌ. Coriquiráchin cancantohuatamaꞌ, co Yosë natëaramahuëꞌ,” itërin Quisosori.

Lucas 21:34

Niꞌcona naniantotamaco. Ama pita paꞌyatacasoachin cancantocosohuëꞌ. Ama noꞌpicosohuëꞌ. Ama maꞌsharáchin yonquicosohuëꞌ. Ina pochin cancantohuatamaꞌ, co aquëtëꞌ yonquiaramacohuëꞌ. Co noya ninahuatamacohuëꞌ,

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Lucas 8:7

Aꞌnaquëontaꞌ nahuanoquë anotërin. Inaquë papotopirinhuëꞌ, nahuanoꞌsantaꞌ papotërin. Aꞌshinahuatona, imotërin. Napoaton co nitërinhuëꞌ.

Juan 15:6

Nara sëꞌpaꞌ nohuishatohuachina, ahuirin. Masahuatonaꞌ, pënquë tëꞌyatopi ahuiquitacaiso marëꞌ. Inapochachin co imamiatohuatamacohuëꞌ, Yosë anaꞌintarinquëmaꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

2 Timoteo 4:10

Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

Hebreos 6:1

Napoaton noya soꞌsorinso pochin noya noya imahuaꞌ. Yaꞌipi Quisocristo nanamën yonquiaꞌahuaꞌ. Yaꞌnan aꞌchintohuatëinquëmara, co sacaihuëꞌ nininsopitaꞌton aꞌchintërainquëmaꞌ. “Co noyahuëꞌ nipatamaꞌ, parisitopiquë pacacasoꞌ yaꞌhuërin niꞌton, yaꞌipi co noyahuëꞌ yonquiramasopita naniantocoꞌ. Naporahuaton, Yosëíchin natëcoꞌ,” itërainquëmaꞌ.